Andrius Mamontovas
Andrius Mamontovas (* 23 Augustus 1967 in Vilnius, Litause SSR) is 'n Litause rock-musikus, liedjieskrywer, akteur en musiekvervaardiger. Hy was een van die medestigters van die gewilde Litause rockgroep Foje (1983) en ook die brein agter die LT United-projek.
Andrius Mamontovas | |
|---|---|
 Andrius Mamontovas tydens 'n konsert in 2008 | |
| Agtergrondinligting | |
| Gebore | 23 Augustus 1967 Vilnius |
| Oorsprong | Vilnius, Litaue |
| Genres | Alternatiewe rock, pop-rock |
| Beroep(e) | Rock-musikus, sanger, liedjieskrywer, akteur, musiekvervaardiger |
| Instrumente | Stem, kitaar |
| Jare aktief | 1983 - hede |
| Assosiasies | Foje, LT United |
Musikale loopbaan
wysigAndrius Mamontovas het sy musikale loopbaan in 1983 met die stigting van Foje begin, een van die gewildste musiekgroepe in Litaue wat tussen 1983 en 1997 veertien suksesvolle albums vrygestel het en 'n groot verskeidenheid musiekpryse verower het. Die groep het tydens sy internasionale toere in Europese en Amerikaanse klubs opgetree. Sy afskeidskonsert in Vilnius het in 1997 'n skare van 60 000 mense gelok en is in hierdie opsig steeds die rekordhouer in Litaue.
Ná die ontbinding van Foje het Mamontovas sy solo-loopbaan begin en nasionale musiekpryse gewen, waaronder 15 Bravo-pryse (die Litause eweknie van die Grammy-prys) vir die beste lied, die beste album, die beste konsert en die beste optrede van die jaar. Mamontovas het daarnaas ook die klankbaan vir 'n aantal kort rolprente geskryf, asook die musiek vir Anton Chekhov se toneelstuk Ivanov wat onder die regie van Eimuntas Nekrošius by die Teatro Argentina in Rome opgevoer is.
Mamontovas se musiek het oor die jare groot invloed op Litaue se musiekbedryf uitgeoefen. Nadat hy reeds kleiner rolle in videosnitte en kleinskaalse rolprentprojekte vertolk het, is hy uiteindelik gevra om die hoofrol in Nekrošius se toneelstuk Hamlet te speel. Dié stuk is sedert 1997 in 'n wêreldtoernooi opgevoer.
Mamontovas het tydens die fees, wat op 1 Mei 2004 ter geleentheid van Litaue se toetrede tot die Europese Unie by die Brandenburgse Poort in Berlyn gehou is, in die musikale hoofprogram opgetree. Hy het ook by konserte van internasionaal bekende kunstenaars soos Sting, Bryan Adams en The Sugarcubes gespeel en was as musiekvervaardiger en liedjieskrywer ook vir kollegas in die musiekbedryf werksaam.
Mamontovas het ook die LT United-projek in die lewe geroep wat daarop gemik was om Litaue by die Eurovision-sangfees van 2006 te verteenwoordig. Hulle lied We Are the Winners het in die musiekbedryf baie erkenning gekry. Die groep het voortgegaan om ander liedere op te neem en onder meer by konserte in Ierland, Duitsland, Ysland en Kroasië opgetree.
Mamontovas geniet steeds internasionale erkenning en het 'n platekontrak by Forman Bros. Records in Kalifornië gekry om sy eerste album in Engels op te neem.
Diskografie
wysigSolo-albums
wysig- Pabėgimas (Escape) (1995)
- Tranzas (1997)
- Šiaurės naktis. Pusė penkių (1998)
- Mono Arba Stereo (1999)
- Šiaurės Naktis. Pusė Penkių (2000)
- Anapilis (2000)
- Cloudmaker (2000)
- Visi langai žiūri į dangų (2000)
- Cloudmaker. No Reason Why (2001)
- Clubmix.lt (2001)
- O, meile! (2002)
- Beribiam danguje (2003)
- Tadas Blinda (2004)
- Saldi.Juoda.Naktis. (2006)
- Tyla (2006)
- Geltona žalia raudona (2008)
- Elektroninis dievas (2011)
Enkelsnitte
wysig- Pabėgimas (1995)
- TV Daina (1998)
- Kregždutės, kregždutės (2003), saam met Atlanta
- Pavasariniai žiedai (2004)
- Kieno tu pusėj? (2009)
- Jie plauna tavo smegenis (2009)
DVD-albums
wysig- TV Dainos (2004)
- Live in Čikaga (2009)
Filmografie
wysig- Kažkas atsitiko (1987)
- Parodų rūmai (1987)
- Nereikalingi žmonės (2008)
- Amaya (2010)