Emmy
’n Emmy is ’n Amerikaanse prys wat toegeken word vir uitnemendheid in die televisiebedryf en is soortgelyk aan Oscars (rolprentbedryf), Tonys (teater) en Grammys (musiek).
 Emmy Award
| ||
| ||
| Amerikaanse aktrise Dana Delany met haar Emmy in 1992. | ||
| Toegeken vir | Uitmuntendheid in die televisiebedryf | |
| Borg | ATAS / NATAS / IATAS | |
| Land |  Verenigde State
| |
| Eerste toekenning | 25 Januarie 1949 | |
| Webtuiste | ATAS se amptelike Emmy-webwerf NATAS se amptelike Emmy-webwerf IATAS se amptelike Emmy-webwerf | |
Omdat Emmys toegeken word aan mense in verskillende sektore van die televisiebedryf, word verskeie toekenningsaande elke jaar gehou. Die twee seremonies wat die meeste internasionale aandag trek, is die toekenning van die Primetime en die Daytime Emmys. Ander gewilde seremonies is vir sportprogramme, nuus en dokumentêre, sake- en finansiële nuus, en tegnologieprestasies in televisie. Streekseremonies word op verskillende tye deur Amerika aangebied vir uitnemendheid in streekstelevisie. Daar is ook internasionale Emmys wat toegeken word vir programme wat aanvanklik buite Amerika uitgesaai is.
Drie aparte maar verwante organisasies bied die Emmys aan: die Academy of Television Arts & Sciences (ATAS), die National Academy of Television Arts and Sciences (NATAS) en die International Academy of Television Arts and Sciences (IATAS).[1] Elk is verantwoordelik vir ’n spesifieke stel Emmy-seremonies.[2]
Beeldjie en naam
wysigDie Emmy-beeldjie, wat ’n vrou met vlerke uitbeeld wat ’n atoom vashou, is deur die televisie-ingenieur Louis McManus ontwerp. Hy het sy vrou as model gebruik. Die vlerke verteenwoordig die muse van kuns en die atoom die elektron van wetenskap na aanleiding van die naam "Academy of Arts and Sciences".[3]
Toe op ’n naam vir die toekenning besluit moes word, is "Ike" eers oorweeg. Dit was die bynaam van die eerste videokamerabuis, die ikonoskoop. Dit was egter ook die bynaam van die WO2-held en toekomstige Amerikaanse president Dwight D. Eisenhower en die lede van die akademie het iets unieks gesoek. Die derde president van die akademie, Harry Lubcke, het toe die naam "Immy" voorgestel, ’n naam wat algameen gebruik is vir die beeldortikonbuis wat in die vroeë televisiekameras gebruik is.[3] Dit is later vervroulik na "Emmy" om te pas by die vroulike beeldjie.[3]
Elke Primetime Emmy-beeldjie weeg 3,08 kg en is gemaak van koper, nikkel, silwer en goud. Dit is 39 cm hoog en sy basis het ’n deursnee van 14 cm. Dit weeg 2,5 kg. Die Regional Emmy-beeldjie 29 cm hoog en weeg 1,4 kg. Elk duur vyf en ’n half uur om te maak en word met wit handskoene hanteer om vingermerke te voorkom.
Seremonies
wysigDie Emmys word in verskillende afdelings toegeken. Elk het sy eie kategorieë, benoemings- en stemprosedures, en reëls vir stemkomitees. Die seremonies word deur die jaar gehou. Ongeag watter Emmy iemand wen, hy of sy word ’n "Emmy-wenner" genoem.
- Primetime Emmys
Die Primetime Emmys word toegeken vir uitnemendheid in televisieprogramme in spitstyd. Seremonies word middel September gehou, op die eerste Sondag voor die amptelike begin van die herfsseisoen op TV. Lede van ATAS stem vir die wenners van die Primetime Emmys. Die finale stemmery word in Augustus gehou.[4]
- Daytime Emmys
Dié seremonie word gewoonlik in Junie gehou en beloon uitnemendheid in dag-TV. Lede van NATAS stem vir die wenners van die Daytime Emmys. Vir die dramakategorieë is daar ’n bykomende stemronde, waar een of twee akteurs van elke program gekies en vir die finale benoeming oorweeg word.[5]
- Sports Emmys
Die Sports Emmy word toegeken vir uitnemendheid in sportprogramme. Dit word op ’n Maandagaand in die lente in New York gehou, gewoonlik in die laaste twee weke van April of die eerste week in Mei. Stempanele doen die stemwerk en dit word deur NATAS beheer.
- News and Documentary Emmys
Dié pryse word elke herfs toegeken vir uitnemendheid in nuusprogramme en dokumentêre. NATAS het stempanele wat vir die wenners stem.
Ander Emmys sluit in dié vir televisie-ingenieurswerk, streekprogramme en internasionale programme.
Verwysings
wysig- ↑ "Awards" (in Engels). Academy of Television Arts & Sciences. Geargiveer vanaf die oorspronklike op 14 September 2008. Besoek op 21 Junie 2008.
- ↑ "A History of Emmy - The 1940s" (in Engels). Academy of Television Arts & Sciences. Geargiveer vanaf die oorspronklike op 27 Mei 2020. Besoek op 24 Januarie 2017.
- ↑ 3,0 3,1 3,2 Parker, Sandra. "History of the Emmy Statuette" (in Engels). Academy of Television Arts and Sciences. Geargiveer vanaf die oorspronklike op 1 Junie 2020. Besoek op 1 Oktober 2014.
- ↑ "63rd Primetime Emmys Rules and Procedures" (PDF) (in Engels). Academy of Television Arts & Sciences. Geargiveer (PDF) vanaf die oorspronklike op 21 Januarie 2012. Besoek op 29 Februarie 2012.
- ↑ "2010 Daytime Emmy Pre-Nominations Announced". Soap Opera Digest (in Engels). Geargiveer vanaf die oorspronklike op 25 Maart 2010. Besoek op 15 Maart 2010.
Those are the names put forth by each show for consideration to be nominated for the awards.
Eksterne skakels
wysig
Wikimedia Commons het meer media in die kategorie Emmy.- (en) ATAS se amptelike Emmy-webwerf
- (en) NATAS se amptelike Emmy-webwerf Geargiveer 28 April 2018 op Wayback Machine
- (en) IATAS se amptelike Emmy-webwerf
Hierdie artikel is vertaal uit die Engelse Wikipedia
