Pikkewyn-eilande

Die Pikkewyn-eilande (Duits: Pinguininseln, Engels: Penguin Islands) is 'n groep klein eilande en rotse wat langsaan die kus van Namibië lê en wat voorheen deel van Suid-Afrika was. Die groep strek vir 355 km aan die Atlantiese kuslyn van Namibië uit. Die grootste eiland is Possession-eiland met 'n oppervlakte van 0.9 km².

Pikkewyn-eilande Inheemse naam: Pikkewyn-eilande, Penguin Islands, Pinguininseln
Duitse Kaart van 1905
Geografie
Ligging	Namibië, Atlantiese Oseaan
Koördinate	26°30′S 15°00′O
Totale eilande	15
Hoofeilande	Possession-eiland
Oppervlakte	2,35 vk km
Administrasie
Namibië

Kaart van die Pikkewyn-eilande, met die Kaapkolonie, 1911.

Tussen 1861 en 1867 is die eilande, wat ryk aan ghwano is, deur die Britse Ryk geannekseer en is toe by die Kaapkolonie in 1873 ingelyf. In 1886 het Duitsland hierdie status erken en dus was die eilande nooit deel van Duits-Suid-Wes Afrika nie.

In 1990 het Namibië onafhanklikheid van Suid-Afrika gekry, maar die eilande het onder Suid-Afrikaanse beheer gebly. Na onderhandelings is die eilande uiteindelik op 28 Februarie 1994 saam met Walvisbaai aan Namibië oorhandig.

Galery

• 
  Halifax-eiland voor die Lüderitz-skiereiland.
• 
  Mercury-eiland voor die Diamantkus.
• 
  Die verskeping van ghwano vanaf Ichaboe.