Kraai

Kraaie
'n Raaf (Corvus corax)
Wetenskaplike klassifikasie
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Corvidae
Genus:	Corvus Linnaeus, 1758
Spesies
Sien teks

Die kraaie (familie Corvidae, die kraaiagtiges) is groot, oorwegend blinkswart voëls wat enigiets vreet; die grootste lede in die orde Passeriformes, of sangvoëls. Die geslagte lyk eners en jonges lyk baie soos volwassenes. Hulle roep tipies hard en skor.

Kraaie kom op alle vastelande, grotendeels in die gematigde klimaatstreke (behalwe Suid-Amerika), voor en bestaan uit ongeveer 40 soorte. Die familie het waarskynlik sy ontstaan gehad in Sentraal-Asië en het daarvandaan uitgebrei na Noord-Amerika, Mexiko, Afrika, Europa en Australië.

Kraaie, veral rawe, speel 'n belangrike rol in legendes of in die mitologie as voortekens of ongelukbringers, moontlik as gevolg van hulle swart veredos, hulle krasgeluide en hulle gewoonte om aas te vreet, as gevolg waarvan hulle vroeër gereeld op slagvelde te sien was.

Kraaie wat in Suid-Afrika voorkom

• Corvus albus Witborskraai
• Corvus capensis Swartkraai
• Corvus albicollis Withalskraai
• Corvis splendens Huiskraai

Kraaie wat in ander wêrelddele voorkom

• Corvus albus Witborskraai
• Corvus corax Raaf
• Corvus cornix Bontkraai
• Corvus corone Aaskraai
• Corvis crassirostris Dikbekraaf
• Corvus frugilegus Roek
• Corvus monedula Kouw

Sien ook

• Alfabetiese lys van Suid-Afrikaanse voëls
• Klassifikasie-indeks van Suid-Afrikaanse voëls

Bronnelys

• Newman se Voëls van Suider-Afrika