Bergaandblom

Bergaandblom
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Monocots
Orde:	Asparagales
Familie:	Iridaceae
Genus:	Gladiolus
Spesie:	G. tristis
Binomiale naam
Gladiolus tristis L. 1762
Sinonieme
Gladiolus aestivalis Ingram, Gladiolus concolor Salisb., Gladiolus flavidus Ingram, Gladiolus fulvescens Ingram, Gladiolus tristis L. var. aestivalis (Ingram) G.J.Lewis, Gladiolus tristis L. var. concolor (Salisb.) Baker

Die bergaandblom (Gladiolus tristis) is 'n plant wat endemies aan Suid-Afrika is. Dit kom in die Wes-Kaap voor. Op die SANBI-rooilys is dit as 'veilig' (LC) gelys.

Dit is 'n meerjarige geofiet wat 60 – 90 cm hoog kan word en stam uit vogtige plekke van die kus tot in die berge. Die plant kan deur sy saad of deur sy knolle vermeerder word en het groot welriekende blomme.

Hierdie spesie was een van die eerste van die genus Gladiolus wat in Europa ingevoer is. In 1745 verskyn dit in Chelsea Physic Garden in Londen, Engeland. Die plant word as snyblom gekweek. Daar is nou talle hibride soos die colvillei-hibride wat uit G. tristis en G. cardinalis ontstaan het.

Fotogalery

• 
•