James Cameron
| James Cameron | |
| |
Cameron in Junie 2012.
| |
| Geboortenaam | James Francis Cameron |
|---|---|
| Geboorte | 16 Augustus 1954 |
| Aktiewe jare | 1975-tans |
James Francis Cameron[1] (gebore op 16 Augustus 1954) is ’n Kanadese regisseur, rolprentmaker, draaiboekskrywer, uitvinder, ingenieur en diepseeverkenner.[2][3]
Loopbaan
[wysig | wysig bron]
Sy eerste groot rolprentsukses was met die wetenskapsfiksie-aksiefliek The Terminator (1984). Hy is daarna in diens geneem om Aliens (1986) te skryf en regisseer; drie jaar later het The Abyss (1989) gevolg.
Hy is geprys vir sy gebruik van spesiale effekte in Terminator 2: Judgment Day (1991). Ná sy prent True Lies (1994) het hy sy grootste rolprent nog gepak: Titanic (1997), waarvoor hy Oscars gewen het vir beste prent, beste regisseur en beste redigering. Hierna het Cameron ’n projek begin wat byna 10 jaar geduur het: sy epiese wetenskapsfiksieprent Avatar (2009), wat ’n mylpaal was in 3D-tegnologie en waarvoor hy vir dieselfde drie Oscars benoem is.
Tussen Titanic en Avatar het hy ’n paar jaar lank dokumentêre prente gemaak (veral onderwater-dokumentêre) en die digitale 3D-Fusion-kamerastelsel help ontwikkel. Hy is deur ’n biograaf beskryf as deels wetenskaplike en deels kunstenaar.[4] Cameron het ook bygedra tot onderwaterverfilmings- en afstandbeheerde-voertuig-tegnologie.[2][3][5]
Op 26 Maart 2012 het hy die bodem van die Marianatrog, die diepste deel van die oseaan, bereik in die Deepsea Challenger-onderwatervoertuig.[6][7] Hy is die eerste mens wat dit in een afdaling gedoen het, en net die derde persoon wat dit enigsins reggekry het.
As inflasie nie in ag geneem word nie, is Cameron se Titanic en Avatar die prente wat die meeste geld nog gemaak het: onderskeidelik $2,19 miljard en $2,78 miljard.[8] In Maart 2011 het die tydskrif Vanity Fair gesê hy is die persoon in Hollywood met die grootste inkomste – ’n geraamde $257 miljoen (in 2010).[9] In Oktober 2013 is ’n nuwe paddaspesie, Pristimantis jamescameroni van Venezuela, na hom genoem uit erkenning vir sy werk om omgewingsbewustheid en veganisme te bevorder.[10][11]
Verwysings
[wysig | wysig bron]- ↑ Space Foundation. (n.d.). America's vision: The case for space exploration, p. 42. URL besoek op 12 Desember 2009.
- ↑ 2,0 2,1 Sony (2009). James Cameron returns to abyss with Reality Camera System. URL besoek op 25 Desember 2009.
- ↑ 3,0 3,1 Thompson A (2009). "The innovative new 3D tech behind James Cameron's Avatar". Fox News. URL besoek op 25 Desember 2009.
- ↑ Milian, Mark; Rebecca Keegan (10 Desember 2009). "James Cameron biographer says the 'Avatar' director is half scientist, half artist[Updated]". Los Angeles Times. Besoek op 5 Januarie 2010.
- ↑ Parisi P (1998). Titanic and the making of James Cameron: The inside story of the three-year adventure that rewrote motion picture history. New York: Newmarket. Partial text. URL besoek op 5 Januarie 2010.
- ↑ Than, Ker (25 Maart 2012). "James Cameron Completes Record-Breaking Mariana Trench Dive" (in Engels). National Geographic Society. Geargiveer vanaf die oorspronklike op 16 Mei 2019. Besoek op 25 Maart 2012.
- ↑ Broad, William J. (25 Maart 2012). "Filmmaker in Submarine Voyages to Bottom of Sea" (in Engels). New York Times. Geargiveer vanaf die oorspronklike op 29 Desember 2019. Besoek op 25 Maart 2012.
- ↑ "All Time Worldwide Box Office Grosses" (in Engels). Boxofficemojo.com. Geargiveer vanaf die oorspronklike op 18 Oktober 2019. Besoek op 6 Mei 2012.
- ↑ Newcomb, Peter (Maart 2011). "Hollywood's Top 40" (in Engels). Vanity Fair. Geargiveer vanaf die oorspronklike op 21 Januarie 2015. Besoek op 11 Februarie 2016.
- ↑ Sergio Prostak (4 November 2013). "Two New Frog Species Discovered in Venezuela, One Named after James Cameron". Sci-News.com (in Engels). Geargiveer vanaf die oorspronklike op 11 Desember 2019. Besoek op 5 November 2013.
- ↑ Kok, Philippe J.R. (2013). "Two new charismatic Pristimantis species (Anura: Craugastoridae) from the tepuis of the "Lost World" (Pantepui region, South America)". European Journal of Taxonomy (60). doi:10.5852/ejt.2013.60.
Normdata  |
|
|---|