David Niven

David Niven
Niven in 1973.
Geboortenaam	James David Graham Niven
Geboorte	(1910-03-01)1 Maart 1910
Sterfte	29 Julie 1983 (op 73)
Nasionaliteit	Brits
Beroep(e)	Akteur, skrywer
Aktiewe jare	1932–1983
Internet-rolprentdatabasis-profiel

James David Graham Niven (1 Maart 1910 – 29 Julie 1983) was ’n Britse akteur en romanskrywer. Hy het die Oscar vir beste akteur gewen vir sy spel in Separate Tables (1958).

Loopbaan

Niven in die 1948-prent Enchantment.

Niven was in die militêre kollege in Sandhurst, Brittanje, voordat hy by die Britse leër aangesluit en ’n tweede luitenant geword het. Hy het in toneelspel begin belangstel, die leër verlaat en Hollywood toe verhuis. Hy het tussen 1933 en 1935 verskeie klein rolle gehad. In Mutiny on the Bounty, waarin hy nie ’n praatrol gehad het nie, het hy die aandag getrek van Samuel Goldwyn.

Met die uitbreek van die Tweede Wêreldoorlog het Niven na Brittanje teruggekeer en weer by die leër aangesluit. Hierna het hy weer begin toneelspeel en hy is in 1945 in ’n opname gekies as die tweede gewildste Britse akteur. Hy was te sien in A Matter of Life and Death (1946), The Bishop's Wife (1947) en Enchantment (1948), wat almal goed ontvang is. In die 1950's was hy in The Elusive Pimpernel (1950), The Toast of New Orleans (1950), Happy Go Lovely (1951), Happy Ever After (1954) en Carrington V.C. (1955) voordat hy groot sukses behaal het in Around the World in 80 Days (1956).

Niven was in amper 100 prente, onder meer The Pink Panther (1963), en talle televisieprogramme. Hy het ook begin skryf en het taamlike sukses as skrywer behaal. In 1982 was hy in Blake Edwards se laaste Pink Panther-flieks, Trail of the Pink Panther en Curse of the Pink Panther.

Eksterne skakels

• David Niven in die Internet-rolprentdatabasis
• David Niven in die Internet-Broadway-databasis
• David Niven in die TCM-rolprentdatabasis
• Wikimedia Commons het meer media in die kategorie David Niven.
• Hierdie artikel is vertaal uit die Engelse Wikipedia