Geeldwerg
’n Geeldwerg of hoofreeksster tipe G (G V) is ’n hoofreeksster van spektraaltipe G en ligsterkteklas V. So ’n ster het ’n massa van sowat 0,8 tot 1,2 sonmassas en oppervlaktemperature van tussen 5 300 en 6 000 Kelvin.[1]
Nes ander hoofreekssterre sit ’n G V-ster waterstof in sy kern om in helium deur middel van kernfusie.[2] Ons Son is die bekendste en mees sigbare voorbeeld van ’n G V-ster. Elke sekonde word sowat 600 miljoen ton waterstof omgesit in helium.[3][4]
Sterrekundiges verkies die term "hoofreeksster tipe G" omdat G-sterre eintlik tussen wit en liggeel is.[5] Die Son is eintlik wit, maar vertoon geel deur die Aarde se atmosfeer. En hoewel die term "dwergster" gebruik word om hoofreekssterre van reusesterre te onderskei, is sterre soos die Son helderder as 90% van die sterre in die Melkweg, wat uit meestal oranje-, rooi- en witdwerge bestaan. (Laasgenoemde is in ’n fase ná die hoofreeks.)
Verwysings
[wysig | wysig bron]- ↑ Empirical bolometric corrections for the main-sequence, G.M. H.J. Habets en J.R.W. Heintze, Astronomy and Astrophysics Supplement 46 (November 1981), pp. 193–237.
- ↑ Stellar Evolution: Main Sequence to Giant Geargiveer 13 Mei 2020 op Wayback Machine, klasnotas, Astronomie 101, Valparaiso-universiteit, URL besoek op 19 Junie 2007.
- ↑ Why Does The Sun Shine?, lesing, Barbara Ryden, Astronomie 162, Ohio State University, URL besoek op 19 Junie 2007.
- ↑ Sun Geargiveer 16 Junie 2007 op Wayback Machine, ARICNS, URL besoek op 19 Junie 2007.
- ↑ What Color Are the Stars?, Mitchell N. Charity's webpage, accessed November 25, 2007
Eksterne skakels
[wysig | wysig bron]
Wikimedia Commons het meer media in die kategorie Geeldwerge.
Wikiwoordeboek het 'n inskrywing vir geeldwerg.
Hierdie artikel is vertaal uit die Engelse Wikipedia
