Oschtfilder

Basisdate
Bundesland:	Bade-Württebärg
Regierigsbezirk:	Stuegert
Landchreis:	Esslenga
Höchi:	312 m ü. NHN
Flächi:	22,8 km²
Iiwohner:	39.806 (31. Dez. 2022)
Bevölkerigsdichti:	1745 Iiwohner je km²
Poschtleitzahle:	73744–73760
Vorwahle:	0711, 07158
Kfz-Chennzeiche:	ES
Gmeischlüssel:	08 1 16 080
Stadtgliderig:	6 Stadtdeil
Adress vo dr; Stadtverwaltig:	Klosterhof 10; 73760 Ostfildern
Webpräsenz:	www.ostfildern.de
Oberburgermeischter:	Christof Bolay (SPD)
Lag vo dr Stadt Ostfildern im Landchreis Esslenga
	Karte

E aglüegti Version vo derre Site, wo am 27. Juni 2023 freige worre isch, basiert uff derre Version.

Ostfildra (dt. Ostfildern) isch a Sdadd en Bada-Wirttabärg, diräddg sidesdlich vo dor Landeshaobdsdadd Sduagord. Ănna 1975 im Rãma vo dor bada-wirttabärgischa Gemaendereform bilded, hådd Osdfildra scho bei saenor Grendong mae wia 20.000 Aewohonr gheed. Desswäaga isch d Sdadd scho glei zom 1. Juli 1976 Graosa Graessdadd wårda. Haed isch se midd ire 40.000 Aewohnor nåch Essleng, Filderstadt, Niirdeng, Kircha ond Laefälda-Ächdordeng d seggsdgraesda Sdadd em Landgraes Esslenga ond ghaerd zom Middlbereich Essleng em Oberzentrum Sduagord.

Geographi ond Vorkehr

Ostfildra leid uff dor Osdhälfe vo dor Fildor, dåhär dor Nãma vo dor Sdadd. Frijor isch d Fildor a landwirdschafdlich fruchdbara Haochebene em Härza vo Wirttabärg gwäa. Abor enzwischa isch-se sdarg iborbaud mit Siidlonga, Indusdrii, Vorkeerswäag ond edd z´ledsd midd-m Landesflughafa Stuagort ond dor Fildormässe. Zwischa de oenzlne Sdedd ond Sdaddåoel, dess gild ao firr Osdfildra, isch blos no wenich Freiraom.

Bsondors vo dor Parksiidlong ond vom Scharnheisor Park aus hãdd-mor zwischa de Hochheisor durch emmor noo on scheene Ausbligg nåch Sida uff d Schwäbischa Alb.

Vorkehrsmäßich isch Osdfildra hervorragend vorsorgd: Omiddlbar an dor sidlicha Sdaddgrenz vorlaofd d Bundesaudobã A 8 Sduagord – Ulm. Jenseids vo dor Audobã leid ao glei dor Flughafa Sduadord. Ennorhalb vo Osdfildra isch d Sdaddbã Sduagord midd de Linia 7 ond 8 dor Haobdvorkehrsdrägor. Båede Linia vorlaufed vo Sduagord här zendral durch Ruit ond dor Scharnheisor Park bis nåch Nälleng nae (Endsdazio). D Linie 7 brauchd vo Nälleng blos äbbes mae wia 20 Menudda bis zom Sduagordor Zendrom, Schlossblatz ond Haobdbãhof, d Linie 8 gãd quer ibor d ganza Fildor vo Osd nåch Wäsd, dees håesd vo Nälleng bis (Sduagord-) Vaiheng. Midd dor Buslinie 122 kã-mor vo Nälleng ond Scharnhausa diräggd uff dor Flugblatz faara. Weidore Buslinia vorbended Osdfildra en wenichor wia 15 Menudda midd dor Graessdadd Essleng.

Sdaddglidorong

Osdfildra sezzd isch zsẽma aus die viir frijor sälbsdendiche Gmaendena Kemnat, Nälleng, Ruit ond Scharnhausa. Em Sdaddgebiid wärded offiziäll seggs Sdadddåel ondorschiida: Kemnat, Nälleng, Parksiidlong (uff Nällenogr Gebiid gläaga), Ruit, Scharnhausa ond Scharnheisor Park (ao uff Nällengor Gebiid gläaga).

D Sdaddvorwaldong hådd irn Sitz em graesda Sdadddåel, en Nälleng.

Dor Sdadddåel Scharnheiser Park, endsdanda aerscht in de 1990or Jår uff-m weida Gelende vor-ra ehemalicha amerikanischa Kasärn, biaded därzeid Blatz firr 7.000 Aewonor, em Endausbau solled-s guad 9.000 sae. A baar glaene Wohnblätz midd blos weniche Aewonor geid-s ao noo: Stockhausa, d Nuimiile ond dor Kemnator Hof (älle zo Kemnat) ond d Wernitzheisor Miile (zo Nälleng).

Wabba
Sdadddåel	Kemnat	Nälleng	Parksiidlong	Ruit	Scharnhausa	Scharnheisor Park

Nåchborgmaendena

Em Uhrzaegor nåch grenzed an Osdfildra ã (em Nordosda ãgfanga): Essleng, Denggadårf, Nuihausa (älle Landgraes Esslenge) ond d graesfreija Sdadd Stuagort.

Gmaenderåd

Bei dor ledsda Kommunalwahl am 25. Mai 2014 hådd-s dees Ärgäbnis gäe:^[2]

Barteie un Wehlergmeinschafte		% 2014	Sitz 2014	% 2009	Sitz 2009	Kommunalwahl 2014 % 40 30 20 10 0 30,17 % 24,58 % 20,82 % 21,29 % 3,14 % n. k. n. k. n. k. FW CDU SPD Grüne FDP Linke REP ÖDP Gwinn un Verluscht im Verglych zue 2009 %p 4 2 0 -2 -4 +1,87 %p +1,88 %p +1,32 %p +3,09 %p −2,16 %p −3,0 %p −1,8 %p −1,3 %p FW CDU SPD Grüne FDP Linke REP ÖDP
FW	Freie Wähler Ostfildern	30,17	8	28,3	8
CDU	Christlich Demokratische Union Deutschlands	24,58	6	22,7	6
SPD	Sozialdemokratische Partei Deutschlands	20,82	5	19,5	6
GRÜNE	Bündnis 90/Die Grünen	21,29	6	18,2	5
FDP	Freie Demokratische Partei	3,14	1	5,3	1
LINKE	Die Linke	—	—	3,0	0
REP	Die Republikaner	—	—	1,8	0
ÖDP	Ökologisch-Demokratische Partei	—	—	1,3	0
gsamt		100,0	26	100,0	26
Wahlbedeiligung		48,64 %		52,6 %

Dialäggd

Osdfildra leid em zendrala Bereich vom Middlschwäbischa. Abor wia iboraal en deå wirdschafdlich dynamische schwäbische Regiona midd viile Zuazogene isch s Schwäbische scho sdarg vorhochdeidschifizird.

Literatur

Landesarchivdirektion Baden-Württemberg (Hrsg.): Das Land Baden-Württemberg – Amtlich Beschreibung nach Kreisen und Gemeinden. Band III Regierungsbezirk Stuttgart, Region Mittlerer Neckar. Stuttgart 1978.
Der Landkreis Esslingen - Hrsg. vom Landesarchiv Baden-Württemberg i.V. mit dem Landkreis Esslingen, Jan Thorbecke Verlag, Ostfildern 2009, ISBN 978-3-7995-0842-1, Band 2, Seite 339

Weblink

Commons: Ostfildern – Sammlig vo Multimediadateie

Internetpräsenz vu dr Stadt Oschtfilder

Fueßnote

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Wahlinformationen des Kommunalen Rechenzentrums Stuttgart

Dä Artikel basiert uff ere fräie Übersetzig vu dere Version vum Artikel „Ostfildern“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Wahlinformationen des Kommunalen Rechenzentrums Stuttgart

[1]

[2]