Dor Reitlenger General-Anzeiger isch d oenzich ganz selbschdändicha Dageszeidong vo dor Regio Näggor-Alb, also midd-ra åegena Vollredaktio. Se isch nåch iror Åegawärbong, dui onabhängicha Dageszeidong für Reidlenga und d' Regio Näggor-Alb. Vorlegor isch dor Valdo Lehari jr.
D' verkaofda Ufflag machd zemmlich gnao 40.000 Exemplar aus. Se wird seid 2004 em Druggzentrum Neckar-Alb in Reidlenga-Betzenga em Rheinischa Formad druggd. Dui Zeidong geid-s scho seid 1888. Näaba dor Haobdausgab geid-s als Ondorausgaba dor Echaz-Bote, dor Pfullenger Schtadtãzeigor und dor Metzengor-Urachor General-Ãzeigor. Em Abonnement drenn isch als sibbda Ausgab d Sonndich Aktuäll, ond ao no s Magazin rtv ghaerd dorzua.
