Rätobarier
D Rätobarier (lat. Raetobarii) sind en Tailstamm vo de Alemane gsii, wo vermuetli nördlich vo de Donau im Piet vom Nördlinger Ries glebt hend. Si werdet nume i de Notittia dignitatum gnennt, emene römische Handbuech usem früene 5. Joorhundert, wo d Verwaltig und di militärischi Organisation vom Römische Riich ufzaichnet. Deno hend d Raetobarii zäme mit de Bukinobante i de Hoofarmee (auxilia palatina) vom Ostriich tienet.
De Name setzt sich usem Name vo de römische Provinz Raetia und em germanische Stammnametail *-warijôz »Biwooner« zäme, aso öppe d »Biwooner vo Rätie«, well si im Piet vo Rätie gwont hend, wo d Römer um 260 verlore hend.
Quelle
[ändere | Quälltäxt bearbeite]- Notitia dignitatum in partibus orientis 5,17 (Retobarii); 5,58 (Recobarii)
Büecher
[ändere | Quälltäxt bearbeite]- Raetobarii; im Reallexikon der Germanischen Altertumskunde. Walter de Gruyter, Berlin, Band 6