misongila’ a manengneng to yin-se-m no Samoa

== Sici (政治) ==
“Samoa kimpo” o Samoa sifo a satakaraway rikec. 1960 miheca kimpo i 1962 miheca nai Niwsilan misiiked misitapang, masasotiri’ to no Inkilis a kalomaocan, midotoc to no Samoa kakawa[7].

1997 miheca 7 folad, mifalic misalof to kimpo, o ngangan no kitakit nai “Kaetip Samoa masiikedan kitakit” mafalic o “Samoa siikeday kitakit” han[8].

1960 miheca mitelek, 1962 miheca 1 folad 1 romi’ad misatapang ko kimpo midotoc kakeridan tapang no kitakit o kalomaocan no Samowa ko misingkiway, 5 miheca ko lakad; sa’ayaway kakeridan tapang no kitakit o tahada’ocay. O kasarayray to a tapang o nai sepatay milocokay to niyaro’ a kakeridan. Nakawrira onini caayay kai kimpo midotoc, pinangan o finawlan manga’ay citodong tinatayal. Nika o Samoa milekoay to Konghec (kapolongan rikec), caay ko Tapang a rikec.

Dengan o Kakeridan, mipatireng to Taypiaw wiyyinhuy, o wiyyin o micokeray to Kakeridan, 3 ko tamdaw; o tayal, o Kakeridan no kitakit awaayto ano eca caay to pakademak to mipasilsilan, mikotay to demak no Kakeridan. Samoa sifo a Kareridan o todong o mikomoday no Samoa, milaheciay to nilomaocan, mikomoday pasai kalomaocan ko pisi’ayaw.

Kalomaocan o patirengay to rikec no Samoa, cecayay ko pitonekan. 49 ko lomaocay, pasasiroma i 49 a ’etal no kitakit. Ira ko 2 a lomaocay citodong to caayay ko Samoa a tamdaw (I likisi o “Ilopiya tamdaw” ko patireng). Nano matelekay to dengan o kasa’etal pisingkiwan, ya “Matayi” (tatakosan a selal) ta manga’ay masingkiw ato misingkiw, 1991 miheca 3 folad mifalic kapolongan misingkiw haw i, o maraoray 21 mihecaan a Samoa a finawlan i ira ko pisingkiw, edeng o “Matayi” ko sasingkiwenanay. Lomaocay a lekad nai 3 miheca mafalic 5 mihecaan to[9]. 2021 miheca matongal to ko lomaocay.