Isla de Man

A Isla de Man (Ellan Vannin en manés, Isle of Man en anglés) ye una chicota isla d'a mar d'Irlanda que forma, con a isla de Gran Bretanya, a isla d'Irlanda y atras islas, l'archipelago d'as Islas Britanicas. Perteneixe a la Corona d'o Reino Unito (British Crown Dependency), y no depen asinas formalment d'o Reino Unito (ni tampoco fa parte formalment d'a Unión Europeya). L'himno nacional ye O halloo nyn ghooie composato por William Henry Gill (1839-1923).

Tradicionalment se i charraba o manés, si bien o suyo zaguer fablant nativo morió en 1974, y agora i domina l'anglés (a tamas d'os intentos de revivir-la). A isla tién una superficie de 572 km² y una población de 80.000 habitants, alto u baixo.

En a Prehistoria y en primerías de l'Edat Meya estió un territorio purament celta, encara que quan i plegoron os vikingos i establioron un chicot reino vikingo con muita influencia d'os anglosaxons. O sistema politico que i establioron s'alazetaba en o dito Tynwald, que hue contina exixtindo, esdevenindo asinas o Parlamento mas antigo d'o mundo.

Culturalment, a isla fa parte d'as ditas Nacions celtas, con Irlanda, Cornualles, Irlanda, Bretanya, Escocia y Galas.