غيطيشة

غيطيشة( جوايه 685-710م يعني عاش 25 عام) كان هوّا لماليك ديال هصبانيا و سيپتيمانيا على لڭواطا لغرباوا من 702 حتال موتو.

رسمة قديمة كاتوري غيطيشة

حياتو

غيطيشة هوّا ولد لمليك هيجيكا، اللي غايعينو دوق على ڭاليسيا و منبعد غايخلفو على لحكام تاع لڭواطا لغرباوا وهوّا فعمرو سطاش لعام . فاش غايشد لحكام للمملاكة ديالو غاتولي ضعيفة بسباب الجايحات كي الطاعون و لهيمريات(لمجاعات) و لمدابزات بين لحكّام.

واخا صلّح شي جرايم دارهوم باه ولايني بزاف دلكتابات ديك الساع كايهضرو عليه خايب حيت على حساب لغالبية دلكتابات ومنبينهوم واحد لوتيقة خبّارية تاع يالفونص التالت تكتبات فلقرن تسعود، غيطيشة كان مامزيانش و خصايلو قبيحة حيت كان بولعيالات وكان كايدهن السيريسير معا صحاب الدين باش يتبع شهوتو علا خاطرو ومايحبسو حتا واحد ، ونفس لوتيقة لخبّارية كاتڭول باللي بسباب هادشي غايطيحو لڭواطا لغرباوا و غادي تّخسر صبانيا اللي غاطيح عيمان قليلة فيدين لمسلمين.

مورا موتو اللي مامعروفش سبابها ، غايتبعو رودريڭو ولد الدوق ديال ڭورضبّة اللي كان منبين لفياكتم ديال تاسلطاويت لقاصحة ديال غيطيشة اللي عوْرو ولاحو فلبنيقة وفيها نيت فاش مات.

الترّيكة ديالو

غيطيشة غايخلي لقليلة تلاتة ديال الدراري على حساب ماڭال الترايخي ليندلاسي ولد لقوطية : ياخيلا، عارضو، روميلوس.