Dario Argento
Dario Argento (7 de setiembre de 1940, Roma) ye un direutor, productor y guionista italianu de cine. Ye conocíu polos sos trabayos del xéneru giallo, y la so influencia a películes de terror y slashers. Caltuvo una rellación sentimental estable cola actriz Daria Nicolodi con quien tien una fía, tamién actriz, Asia Argento. Precisamente, dambes trabayaron na so película de 2007 La terza madre.
Dario Argento | |
|---|---|
 | |
| Vida | |
| Nacimientu | Roma[1], 7 de setiembre de 1940[2] (84 años) |
| Nacionalidá |
 Italia |
| Familia | |
| Padre | Salvatore Argento |
| Pareyes | Daria Nicolodi |
| Fíos/es | |
| Hermanos/es | Claudio Argento |
| Estudios | |
| Llingües falaes | italianu[3] |
| Oficiu | direutor de cine, productor de cine, guionista, compositor, realizador, actor |
| Trabayos destacaos |
Rojo profundo (es)  Tenebrae (es) Suspiria (es) El síndrome de Stendhal (es) Los cinco días (es) El pájaro de las plumas de cristal (es) |
| Premios |
ver
|
| Xéneru artísticu |
suspense Giallo cine d'horror |
| IMDb | nm0000783 |
 | |
Carrera
editarLos entamos
editarNació en Roma, los sos padres fueron el productor de cine Salvatore Argento y la modelu brasilana Elda Luxardo. Empezó la so carrera como críticu de cine, escribiendo pa delles revistes mientres estudiaba. Nun entró a la universidá, escoyendo escribir pal diariu Paese Sera.
Mientres trabayaba pal diariu empezó a escribir guiones. Unu de los sos trabayos más notables foi en collaboración de Bernardo Bertolucci pa la película de Sergio Leone, C'era una volta il West. Escribió y dirixó la so primer película, L'uccello dalle piume di cristallo, que foi estrenada en 1970, siendo tou un ésitu n'Italia.
El so estilu como direutor foi influyíu por Mario Bava, Riccardo Freda, Sergio Leone, Alfred Hitchcock, Michelangelo Antonioni y Federico Fellini.
Cine giallo
editarAnque Mario Bava ye catalogáu como'l creador del cine giallo, Argento foi quien popularizó'l xéneru y espandir fora d'Italia. Dirixó tres películes bastante esitoses dientro del xéneru, El páxaru de les plumes de cristal (1970), El gatu de los nueve coles (1971) y Cuatro mosques sobre terciopelu gris (1972).
Argento volvió a los thrillers con Colloráu Escuru (1975), catalogada como'l meyor trabayu del italianu. La película fixo famosu a Argento y el so estilu inspiró a dellos direutores como John Carpenter, conocíu pola so película Halloween.
Cine sobrenatural
editarLa siguiente película de Argento foi Suspiria (1977), un thriller violentu y sobrenatural; munchos siguidores nomen a Suspiria y Colloráu escuru como los meyores trabayos de Argento. Esta película yera la primera de la triloxía sobre «Los trés madres», trés antigües bruxes que vivíen en tres ciudaes modernes distintes. La segunda película de la saga foi Inferno nos años 1980. Pero la triloxía non pudo completase hasta 2007 con La Terza Madre, por cuenta de problemes financieros.
En 1978 participó na película de George A. Romero, L'amanecer de los muertos, como productor.
Argento volvió al cine giallo con Tenebrae (1982) y Phenomena (1985), un encruz ente terror sobrenatural y giallo clásicu, protagonizáu por Jennifer Connelly. Amás escribió dos guiones pal fíu de Mario Bava, Lamberto Bava, nes películes Demoni (1985) y Demoni 2 (1986).
Post-Opera
editarEn 1987 estrenóse la película Opera, mal recibida polos siguidores y críticos. Amás hubo otros incidentes, la muerte del padre de Argento foi mientres la producción, la protagonista Vanessa Redgrave dexó'l proyeutu dempués que la filmación empezara, tuvo problemes trabayando cola so collaboradora y pareya Daria Nicolodi, la filmación tuvo llena de pequeños accidentes y errores que convirtieron a la película nuna de les peores esperiencies de Argento. Esta película significó l'empiezu de lo que munchos consideren la decadencia del italianu.
Argento collaboró con George A. Romero nuna adautación de la obra d'Edgar Allan Poe, Los güeyos del diañu en 1990. Tamién participó en películes de poca fama como Trauma (1993) y una versión de La pantasma de la ópera en 1998. Tres estes películes perdió munchos siguidores y los críticos nun lu víen de bona manera.
En 1996 dirixó la que ye considerada la so meyor película d'esta etapa, La sindrome di Stendhal, un thriller psicolóxicu llenu d'homenaxes a Hitchcock que recupera l'esteticismu de les sos meyores obres.
Volvió al xéneru giallo con Velea (2001) y El Xugador (2004), recuperando a dalgunos de los sos siguidores, pero'l so nuevu estilu nun foi vistu del tou bien pola crítica.
Nel añu 2005 dirixó un capítulu de la serie Masters of Horror tituláu «Jennifer», el trabayu foi recibíu de bona forma polos críticos. Este mesmu añu realiza'l telefilme ¿Te gusta Hitchcock?. N'avientu de 2006 estrenóse «Pelts», un nuevu capítulu de Masters of Horror, dirixíu por Argento.
En 2007 pudo concluyir la triloxía «Los trés madres», rodando La terza madre. En 2008 volvió al so xéneru predilectu con Giallo, progonizada por Adrien Brody y Elsa Pataky. En 2012 estrenó Drácula col actor neerlandés Rutger Hauer nel papel del doctor Abraham Van Helsing, l'actor alemán Thomas Kretschmann como Drácula y l'actriz italiana Asia Argento como Lucy.[4]
En 2014, Dario Argento llanzó una campaña tratando de consiguir financiamientu pa la so nueva película, The Sandman, que sería protagonizada por Iggy Pop. The Sandman cunta la hestoria de Nathan, un mozu estudiante que trata d'escaecer un trauma de la infancia a manes d'un asesín en serie conocíu como "The Sandman" (Iggy Pop). Magar la recaldación pa la so película foi un ésitu, hasta'l día de güei nun hai novedaes firmes sobre filme.
Filmografía
editarComo direutor
editar- El páxaru de les plumes de cristal (1970)
- El gatu de les 9 coles (1971)
- Cuatro mosques sobre terciopelu gris (1971)
- Colloráu escuru (1975)
- Suspiria (1977)
- Inferno (1980)
- Tenebrae (1982)
- Phenomena (1985)
- Opera (1987)
- Los güeyos del diañu (dirixida xunto a George Romero) (1990)
- Trauma (1993)
- La sindrome di Stendhal (L'arte de matar) (1996)
- La pantasma de la ópera (1998)
- Velea (2000)
- L'amu del xuegu (2004)
- ¿Te gusta Hitchcock?(Televisión, 2005)
- Masters of Horror: Jennifer (Televisión, 2005)
- Masters of Horror: Pieles (Televisión, 2006)
- La terza madre (2007)
- Giallo (2009)
- Drácula (2012)
Como productor y guionista
editar- Demonios (1985)
- Demonios 2 (1986)
- El nicio del diañu (1988)
- La mázcara de cera (1997) (guionista)
Bibliografía
editar- Julien Astorino, Voyage au cœur des Ténèbres. Nancy : Wotan Editions, 2014, 192 p. ISBN 9781326061678
- Giovanni Aloisio, Alberto Pallotta, Universu Dario Argento, Ultra, 2017, ISBN 8867765310
- Luigi Cozzi, Profondo Argento. Il cinema y la televisione di Dario Argento, Profondo Rosso, 2014, EAN 9788898896219
- Bernard Joisten, Crime designer : Dario Argento et le cinéma. Maisons-Alfort : Ère ; Paris : diff. Belles lettres, 2007, 154 p. ISBN 9782915453331
- Thibault Loucheux, Dario Argento : le règne animal. Nîmes : Lacour-Ollé, 2015, 105 p. ISBN 9782750440961
- Gérard Noël, Dario Argento : le montreur d'ombres, photographies. Cahors : G. Noël, 1988, 31 p. ISBN 2950226922
- Gérard Noël, Dario Argento : acte 2. Cahors : G. Noël, 1988, 31 p. (Horror pictures) ISBN 2950226930
- Antonio Tentori, Dario Argento : sensualità dell'omicidio. Alessandria : Edizioni Falsopiano, 1997, 196 p. (Falsopiano cinema ; 2) ISBN 8887011095
- Alda Teodorani, Alda Teodorani racconta Dario Argento, [IMDbtitle:6730184 Videu]
- Antonio Tentori, Tutto Dario Argento dalla A alla Z, Profondo Rosso, 2013 EAN 9788895294902
- Jean-Baptiste Thoret, Les Frissons de l'Angoisse - Livret d'analyse, Wild Side Videu, Paris, 2004
- Jean-Baptiste Thoret, Dario Argento, magicien de la peur. Paris : "Cahiers du cinéma", 2002, 160 p. ISBN 2866423453
- Vivien Villani, Dario Argento : toutes les facettes de la créativité du "Maître de l'horreur". Rome : Gremese, 2008, 127 p. (Grands cinéastes de notre temps) ISBN 9788873016175
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Identificador GND: 119477572. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Drácula 2012
Enllaces esternos
editar
Wikimedia Commons acueye conteníu multimedia sobre Dario Argento.- Dario Argento na Internet Movie Database (n'inglés)
Datos: Q53011- Multimedia: Dario Argento
