John C. Reilly

John Christopher Reilly (24 de mayu de 1965, Chicago) conocíu polos sos trabayos en películes como Chicago, Gangs of New York y Magnolia. Debutando en Corazones de fierro en 1989, ye unu de los tantos actores que la so carrera foi catapultada por Brian De Palma. Hasta la fecha trabayó en más de cincuenta películes, incluyendo tres películes de 2002, caúna nomada al Óscar como meyor película. Foi nomáu al Óscar como meyor actor de repartu pol so papel en Chicago y al premiu Grammy pol cantar "Walk Hard", qu'él escribió y grabó pa la película Walk Hard: The Dewey Cox Story.

John C. Reilly
Vida
Nacimientu	Chicago, 24 de mayu de 1965 (59 años)
Nacionalidá	Estaos Xuníos
Estudios
Estudios	Universidá DePaul Brother Rice High School (en)
Llingües falaes	inglés
Oficiu	actor de televisión, actor de cine, cantante, productor de cine, actor de voz, guionista, actor de xéneru, actor de teatru
Trabayos destacaos	Step Brothers Wreck-It Ralph (es)
Nominaciones	ver Premiu Tony al meyor actor d'una obra de teatru (2000) Óscar al meyor actor de repartu (11 febreru 2003): Chicago
Instrumentu musical	voz
IMDb	nm0000604

Primeros años

John Christopher Reilly, el quintu de seis hermanos, nació en Chicago, Illinois, el so padre, irlandés estauxunidense, yera dueñu d'una compañía provisora de tela de llinu, y la so madre yera proveniente de Lituania. Crióse nuna relixón católica, y graduóse na Brother Rice High School de Chicago. Reilly tuvo severes infracciones pola so problemática mocedá. Pa ocupar meyor el so tiempu, terminó interesándose y arreyando col teatru, tantu que s'inscribió na Goodman School of Drama de la Universidá DePaul, una importante universidá teatral.

Casóse en 1992 con Alison Dickey, a quien conoció nel set de filmación de Corazones de fierro. Tienen dos fíos.

Carrera nel cine

Reilly (2007)

Reilly fixo'l so debú nel cine en Corazones de fierro (1989) de Brian De Palma, faciendo'l papel d'Herbert Hatcher. Anque'l papel de Hatcher yera nun principiu bien curtiu, a De Palma gustó-y tanto'l rendimientu amosáu por Reilly y terminó dándo-y más minutos al personaxe. Otru de los sos papeles notables mientres los años 1990 foi'l de Boogie Nights de Paul Thomas Anderson (1997), onde interpretó a la estrella de cine porno Reed Rothchild.

Nel añu 2002, el so perfil como actor creció significativamente cuando apaeció en trés de les películes nomaes a los Premiu Óscar como meyor película d'esi añu: el musical Chicago, Gangs of New York y The Hours. Ente los trés películes sumaron 32 nominaciones al Óscar, y Reilly recibió una nominación como Meyor actor de repartu por Chicago, onde interpreta al maríu de Renée Zellweger.

Ente los sos más memorables roles atopen la biopic The Aviator (2004) de Martin Scorsese, onde interpreta al compañeru de Howard Hughes, Noah Dietrich. Trabayó en Talladega Nights: The Ballad of Ricky Bobby (2006) d'Adam McKay, onde interpreta al meyor amigu del protagonista. Tamién formó parte del repartu de A Prairie Home Companion (2006) de Robert Altman, xunto a Tommy Lee Jones y Woody Harrelson. En 2007 Reilly protagonizó Walk Hard: The Dewey Cox Story, una parodia onde canta dellos cantares de Johnny Cash y Ray Charles ente otros. Tamién doblo la voz de ralph en " Ralph El Demoledor" xunto con Sarah Silverman, ente otros.

Dende'l so debú, Reilly trabayó constantemente en películes, apaeciendo n'alredor de cuarenta en 20 años, polo xeneral, faciendo personaxes secundarios.

Música

Reilly grabó dos canciones pal compilado Rogue's Gallery: Pirate Ballads, Sea Songs, and Chanteys (2006): "Fathom the Bowl" y "My Son John".

En 2007 protagonizó la parodia biográfica Walk Hard: The Dewey Cox Story. Amás del so rol como actor, tamién trabayó como cantante y escritor pal soundtrack de la película, pol cual foi nomáu al premiu Grammy. Amás foi de xira per Estaos Xuníos interpretando'l personaxe, Dewey Cox, nel Dewey Cox in the Cox Across America 2007 Tour.

Filmografía

• Corazones de fierro (1989)
• We're No Angels (1989)
• Days of Thunder (1990)
• State of Grace (1990)
• Shadows and Fog (1992)
• Out on a Limb (1992)
• Hoffa (1992)
• What's Eating Gilbert Grape (1993)
• The River Wild (1994)
• Dolores Claiborne (1995)
• Xeorxa (1995)
• Hard Eight (1996)
• Boys (1996)
• Nightwatch (1997) (non acreditáu)
• Boogie Nights (1997)
• Chicago Cab (1998)
• The Thin Red Line (1998)
• The Settlement (1999)
• Never Been Kissed (1999)
• For Love of the Game (1999)
• Magnolia (1999)
• The Perfect Storm (2000)
• The Anniversary Party (2001)
• The Good Girl (2002)
• Gangs of New York (2002)
• Chicago (2002)
• The Hours (2002)
• Anger Management (2003)
• Piggie (2003)
• The Aviator (2004)
• Criminal (2004)
• Are You the Favorite Person of Anybody? (2005)
• Dark Water (2005)
• L'últimu show (2006)
• Talladega Nights: The Ballad of Ricky Bobby (2006)
• Tenacious D: The Pick of Destiny (2006) (non acreditáu)
• Year of the Dog (2007)
• Walk Hard: The Dewey Cox Story (2007)
• Quebec (2007)
• Walk Hard (2008)
• The Promotion (2008)
• Step Brothers (2008)
• Prop 8: The Musical (2008)
• Cirque du Freak: The Vampire's Assistant (2009)
• 9 (voz) (2009)
• The Extra Man (2010)
• Cyrus (2010)
• We Need to Talk About Kevin (2011)
• Fight for Your Right Revisited (2011)
• Carnage*(Un dios selvaxe) (2011)(2011)
• El dictador (2012)
• Wreck-It Ralph (voz) (2012)
• Guardians of the Galaxy (2014)

Premios

Óscar

Añu	Categoría	Película	Resultáu
2002	Meyor actor de repartu	Chicago	Nomáu

Globu d'Oru

Añu	Categoría	Película	Resultáu
2008	Meyor actor - Comedia o musical	Walk Hard	Nomáu
2008	Meyor cantar orixinal	Walk Hard	Nomáu
2002	Meyor actor de repartu	Chicago	Nomáu

Premios del Sindicatu d'Actores

Añu	Categoría	Película	Resultáu
2004	Meyor repartu	The Aviator	Candidatu
2002	Meyor repartu	Chicago	Ganador
2002	Meyor repartu	The Hours	Candidatu
1999	Meyor repartu	Magnolia	Candidatu
1997	Meyor repartu	Boogie Nights	Candidatu

Enllaces esternos

• John C. Reilly na Internet Movie Database (n'inglés)
• John C. Reilly na Internet Broadway Database (n'inglés)
• Perfil de John C. Reilly en New York Times

• Datos: Q223110
• Multimedia: John C. Reilly