Enantes del presente
Enantes del presente (abreviáu munches veces coles sigles AP, y tamién BP, pola espresión inglesa Before Present) ye una escala de tiempu usada n'arqueoloxía, xeoloxía y otres disciplines científiques pa especificar cuando pasó un eventu nel pasáu.
Foi creada pa tentar d'acabar cola multiplicidá de calendarios que hai pa referise a les feches del pasáu. A principios de 1954 los metrólogos establecieron l'añu 1950 del calendariu gregorianu como l'añu d'orixe arbitrariu de la escala temporal que se diba usar na datación por radiocarbonu, usando muestres de referencia de 1950 d'ácidu oxálicu. Asina, 1500 AP significa 1.500 años menos que 1950, esto ye l' añu 1450.
La espresión inglesa, magar que col mesmu significáu, ye interpretada delles veces como Before Physics. Esto ye, primero que les pruebes feches con armas nucleares alteraran artificialmente la proporción de los isótopos de carbonu na atmósfera.[1]
Referencies
Enllaces esternos
| Control d'autoridaes |
|
|---|
Datos: Q503142