Christian Maclagan

Christian Maclagan
Vida
Nacimientu	Stirlingshire (en) , 1811
Nacionalidá	Reinu Xuníu de Gran Bretaña ya Irlanda
Residencia	Stirling
Muerte	10 de mayu de 1901 (89/90 años)
Oficiu	antropóloga, arqueóloga, artista

Christian Maclagan (1811, Stirlingshire ^(en) – 10 de mayu de 1901) foi una anticuaria escocesa y probablemente la primera arqueóloga en Gran Bretaña.

Oríxenes

Fía del químicu y destilador George Maclagan y Janet Colville de Stirling, Christian nació na granxa de la familia en Braehead, cerca del pueblu de Denny. El so padre finó en 1818, al igual que'l so güelu paternu, Frederick Maclagan, ministru parroquial en Melrose, polo que la so madre camudó al restu de la familia a Stirling, a una casa en Pitt Terrace, una parte pudiente de la ciudá cerca de les modernes oficines del Conseyu de Stirling.

La so madre finó en 1858, y hasta esos díes Christian Maclagan comprometiérase n'actividaes de calter filantrópicu, estableciendo una Escuela Dominical y xuntando fondos pa la creación d'una biblioteca. Depués del Cisma de 1843, ella xunióse a la Ilesia Llibre d'Escocia y en 1865 financió la construcción d'un nuevu kirk (nome escocés pa designar a una ilesia). La so rellación cola Ilesia Llibre empezó a debilitase mientres la década de 1870 y ella empecipió una demanda pa recuperar la ilesia que financiara, que darréu regaló a la Ilesia d'Escocia. Aparentemente ella recibió un heriedu per parte d'unu de los sos hermanos alredor del momentu de fallecimientu de la so madre, lo cual establecer como una muyer de cierta riqueza. Los sos bienes fueron valuaos en 3.100 llibres esterlines al momentu de la so muerte.

Ella yera una persona bien formada, con fluidez pal Llatín, Francés, Griegu, y Gaélicu — el so güelu paternu probara'l so talentu al mandala realizar una traducción de la Biblia al gaélicu. Tamién falaba un pocu d'italianu y yera considerada una artista hábil.

Arqueoloxía

Maclagan hipotetizó que los círculos y tumbes megalítiques yeren los remanentes de les unidaes doméstiques y les fortificaciones. Ella consideraba qu'una evaluación académica de toos esos sitios revelaría un mensaxe, espresáu al traviés del mesmu "llinguaxe" arqueolóxicu riquíu pa tal evaluación. Los afayos de les sos investigaciones incluyíen cientos de retruques d'artefactos arqueolóxicos provenientes de dellos sitios realizaos por aciu una téunica conocida como "frottage". Esta téunica consiste n'utilizar cera o tiza pa estregar un papel en contautu con un oxetu y asina llograr un molde cola so forma. Dalgunes de les sos teoríes yeren consideraes escéntriques polos sos colegues. El refugu de les sos idees pudo debese a les actitúes sexistes propies del so tiempu según tamién por cuenta de los comentarios antropolóxicos que Maclagan plantegaba xunto a los sos estudios arqueolóxicos.

Una dama anticuaria

Unu de los sos principales intereses atopábase venceyáu al estudiu de los Brochs d'Escocia y tamién foi reconocida como una de les pioneres nel usu de la escavación estratigráfica. Ella diseñó un métodu especial pa realizar frottages sobre piedres esculpíes. Posiblemente la so contribución más grande la so meticulosa coleición de calcos de cruces Celtes Cristianes y piedres Pictish, realizaos dende la década de 1850 d'equí p'arriba.^[2] Estos calcos inclúin dalgunos de los primeres realizaos na Cueva de Wemiss.^[3]

Víctima de la so dómina

Por cuenta de que yera muyer Maclagan tenía vetada la so almisión como miembru de la Sociedá d'Anticuarios d'Escocia, polo qu'a cencielles yera considerada una Lady Acomuñada. Por tal motivu ella nun podía publicar de manera formal dientro de la Sociedá, y riquía d'un home por que roblara les sos publicaciones. Como resultáu d'esta situación, ella unvió los sos calcos llograos por frottage al Muséu Británicu. El Muséu de la Ferrería, en Stirling, contién unu de los sos modelos de la torre d'un Broch.

Esti descaráu sexismu tamién puede fomentar el faigo de menos de les sos investigaciones y eventualmente llevar a qu'unu de los sos principales afayos, el Broch de Livilands, güei atópese perdíu. Nel añu 2016, el Doctor Murray Cook, arqueólogu del Conseyu de Stirling llanzó un proyeutu pa "redescubrir el broch que'l sexismu perdió".^[4]

Llibros publicaos (n'idioma orixinal)

"What Mean These Stones?" Publisher D. Douglas, 1894 https://books.google.co.uk/books?id=x35BAAAAYAAJ&dq=inauthor:%22Christian+MacLagan%22&hl=en&sa=X&ei=OL7kVNKeJILC7AbmtoCICQ&ved=0CDoQ6AEwBg

"The Hill Forts Stone Circles and Others Structural Remains of Ancient Scotland" Publisher Edmonston and Douglas, 1875. https://books.google.co.uk/books?id=wWg4QwAACAAJ&dq=inauthor:%22Christian+MacLagan%22&hl=en&sa=X&ei=OL7kVNKeJILC7AbmtoCICQ&ved=0CCUQ6AEwAQ

Referencies

↑ Identificador Archivos Nacionales del Reino Unido: F48135. Apaez como: Christian MacLagan. Data de consulta: 9 ochobre 2017.
↑ «Society of Antiquaries of London's Online Newsletter». Archiváu dende l'orixinal, el 13 de xunu de 2011.
↑ Hambly, Joanna. «Archaic sculpturings to 4D Wemyss». Recording Archaeology. Consultáu'l 18 de febreru de 2015.
↑ «Páxina del Proyeutu empobináu pol Dr. Murray Cook». Consultáu'l 3 de marzu de 2017.

Enllaces esternos

[93a9edf015a674994e75843159ef4166e8bded47-1] Identificador Archivos Nacionales del Reino Unido: F48135. Apaez como: Christian MacLagan. Data de consulta: 9 ochobre 2017.

[2] «Society of Antiquaries of London's Online Newsletter». Archiváu dende l'orixinal, el 13 de xunu de 2011.

[Wemyss_Cave-3] Hambly, Joanna. «Archaic sculpturings to 4D Wemyss». Recording Archaeology. Consultáu'l 18 de febreru de 2015.

[4] «Páxina del Proyeutu empobináu pol Dr. Murray Cook». Consultáu'l 3 de marzu de 2017.

[1]

[2]

[3]

[4]