Turhan Bey

Turhan Bey
Vida
Nacimientu	Viena, 30 de marzu de 1922
Nacionalidá	Imperiu Otomanu Estaos Xuníos Austria
Muerte	Viena, 30 de setiembre de 2012 (90 años)
Sepultura	Feuerhalle Simmering (es)
Causa de la muerte	Enfermedá de Parkinson
Estudios
Llingües falaes	inglés
Oficiu	actor, actor de televisión, actor de cine, productor de cine
IMDb	nm0001947

Turhan Bey (30 de marzu de 1922, Viena – 30 de setiembre de 2012, Viena) foi un actor, actor de televisión, actor de cine y productor de cine d'Imperiu Otomanu, Estaos Xuníos y Austria. Tuvo activu en Hollywood dende 1941 a 1953. Llamáu "The Turkish Delight" polos sos almiradores, a la so vuelta a Europa llevó a cabu una carrera artística como fotógrafu y direutor teatral. Volvió de volao a Hollywood pa recibir un premiu, y fixo delles actuaciones televisives como artista convidáu nos años 1990, amás de participar en delles producciones cinematográfiques. Una vegada retiráu, intervieno en dellos documentales, ente ellos unu en llingua alemana alrodiu de la so vida.

Con Lumsden Hare en Shadows on the Stairs (1941)

De izq. a der. Evelyn Ankers, Turhan Bey y David Bruce en The Mad Ghoul (1943)

Con Katharine Hepburn en Dragon Seed (1944)

De izq. a der. Donald Curtis, Cathy O'Donnell, Turhan Bey y Lynn Bari en The Amazing Mr. X (1948)

Biografía

El so verdaderu nome yera Turhan Gilbert Selahattin Sahultavy, y nació en Viena, Austria, siendo los sos padres un diplomáticu turcu y una checoslovaca d'orixe xudíu. Cola anexón d'Austria a l'Alemaña Nazi y tres el divorciu de los sos padres, él y la so madre emigraron a Estaos Xuníos en 1940, asitiándose en Los Angeles y llogrando la ciudadanía americana.

Bey estudió interpretación na Ben Bard's School of Dramatic Art y formó parte del Pasadena Playhouse. Mientres allegaba a clases p'ameyorar el so inglés, participó na obra teatral d'un profesor. Ente'l públicu atopaba un cazatalentos de Warner Brothers que quedó impresionáu con Bey, y que lo contrató dándo-y el nome artísticu de Turhan Bey. Debutó nel cine con Shadows on the Stairs, de D. Ross Lederman (con Frieda Inescort, Paul Cavanagh y Heather Angel), actuando dempués en Footsteps in the Dark, de Lloyd Bacon (con Errol Flynn, Brenda Marshall y Ralph Bellamy), dambes producciones estrenaes en 1941.

Bey actuó de cutiu con María Montez, trabayando dambos en filmes como Raiders of the Desert, Arabian Nights, White Savage, Ali Baba and the Forty Thieves, Bowery to Broadway, Follow the Boys, y Sudan. Otres películes destacaes nes cualos actuó fueron Night in Paradise, The Amazing Mr. X y Out of the Blue. Gracies a tou ello, en 1944 fíxose una votación pa "Stars of Tomorrow" que-y dio'l novenu puestu ente otres estrelles.

La carrera de Turhan tornó a finales de los años 1940 y, en rodando'l filme de Sam Katzman Prisoners of the Casbah en 1953, volvió a Viena y vivió cola so madre al empar que trabayaba como fotógrafu de revistes femenines. Turhan foi de nuevu a los Estaos Xuníos a principios de la década de 1990 y actuó en dos episodios de la serie televisiva de ciencia ficción Babylon 5, según en dellos filmes, como Possessed by the Night, de Fred Olen Ray (1994, con Shannon Tweed, Sandahl Bergman y Chad McQueen) y Virtual Combat, d'Andrew Stevens (la so última cinta, en 1995, con Don Wilson y Michael Dorn). En 2002 rodóse un documental sobre Turhan, Vom Glück verfolgt. Wien - Hollywood - Retour, dirixíu por Andrea Eckert.

Turhan Bey finó en 2012 en Viena, Austria, por causa d'una enfermedá de Parkinson. Los sos restos fueron encenraos.

Filmografía

Cine (seleición)

• 1941: Shadows on the Stairs, de D. Ross Lederman
• 1941: Footsteps in the Dark, de Lloyd Bacon.
• 1941: Raiders of the Desert, de John Rawlins.
• 1941: The Gay Falcon, d'Irving Reis.
• 1941: Burma Convoy, de Noel M. Smith
• 1942: G-Men of the Air, de Lewis D. Collins y Ray Taylor (serial).
• 1942: The Mummy's Tomb, de Harold Young.
• 1942: Arabian Nights, de John Rawlins.
• 1942: Drums of the Congo, de Christy Cabanne.
• 1942: Destination Unknown, de Ray Taylor.
• 1943: Background to Danger, de Raoul Walsh.
• 1943: The Adventures of Smilin' Jack, de Lewis D. Collins y Ray Taylor (serial).
• 1943: White Savage, d'Arthur Lubin.
• 1943: The Mad Ghoul, de James Patrick Hogan.
• 1944: Dragon Seed, de Jack Conway y Harold S. Bucquet
• 1944: Ali Baba and the Forty Thieves, d'Arthur Lubin.
• 1944: Follow the Boys, d'A. Edward Sutherland y John Rawlins.
• 1944: The Climax, de George Waggner.
• 1944: Bowery to Broadway, de Charles Lamont.
• 1945: Frisco Sal, de George Waggner.
• 1945: Sudan, de John Rawlins.
• 1946: Night in Paradise, d'Arthur Lubin.
• 1947: Out of the Blue, de Leigh Jason.
• 1948: Adventures of Casanova, de Roberto Gavaldón.
• 1948: The Amazing Mr. X, de Bernard Vorhaus.
• 1949: Song of India, d'Albert S. Rogell.
• 1953: Prisoners of the Casbah, de Richard L. Bare
• 1953: Stolen Identity, de Gunther von Fritsch.
• 1994: Possessed by the Night, de Fred Olen Ray.
• 1995: The Skateboard Kid II, d'Andrew Stevens.
• 1995: Virtual Combat, d'Andrew Stevens.

Televisión (íntegru)

• 1993: SeaQuest DSV, episodiu Treasures of the Mind, de Bryan Spicer.
• 1995: Murder, She Wrote, episodiu Death 'N Denial.
• 1995: VR.5, episodiu Reunion.
• 1997: The Visitor, episodiu The Black Box.
• 1995-1998: Babylon 5, episodios The Coming of Shadows y Learning Curve.

Bibliografía

• Feramisco, Thomas M.; Koster, Peggy Moren, The Mummy Unwrapped: Scenes Left on Universal's Cutting Room Floor, ISBN 0-7864-3734-0, https://books.google.com/books?id=dCv2ybddW9EC&printsec=frontcover&dq=isbn:0786437340&hl=en&sa=X&ei=bmZjUYrEHInQ2QXlwYCICg&ved=0CDEQ6AEwAA#v=onepage&q=turhan&f=false .
• I Saw Stars in the 40's and 50's, ISBN 1-4120-5838-4 .
• Lamparski, R. (1980) Jane Russell Presents Whatever Became Of, Bantam Premium: New York.

Enllaces esternos

• Esta obra remanez de la traducción de Turhan Bey de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Turhan Bey de Wikipedia - francés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Wikimedia Commons acueye conteníu multimedia sobre Turhan Bey.
• Turhan Bey na Internet Movie Database (n'inglés)
• Turhan Bey n'AllMovie (n'inglés)
• «Turhan Bey». en Find a Grave. (n'inglés)

• Datos: Q78763
• Multimedia: Turhan Bey