Antioquía de Pisidia

	asentamientu humanu
Alministración
País	Turquía
Provincia	[[d:Special:EntityPage/Q268043\|{{{2}}}
Xeografía
Coordenaes	38°18′22″N 31°11′21″E / 38.306111111111°N 31.189166666667°E
Más información
Estaya horaria	UTC+03:00

Antioquía de Pisidia^[1] (en griegu: Ἀντιόχεια τῇ Πισιδίᾳ, en llatín: Antiochia Caesaria) foi una ciudá de Pisidia, na parte sur de los montes ente Frixa y la mesma Pisidia. Estrabón diz que Filomeniu, otra ciudá fronteriza, taba na parte norte (esta ciudá foi incluyida na provincia de Pisidia nel sieglu IV).^[2] Asitiábase un quilómetru al norte de la moderna Yalvaç.

Los restos, bien numberosos, inclúin grandes edificios fechos con piedres pergrandes, probablemente ilesies, muralles, venti arcos perfeutos, un acueductu, parte d'un templu dedicáu a Dionisu y un pequeñu teatru. Una construcción foi tallada na roca y forma una cámara cuadrada con bastantes restos de mármole y columnes; piénsase que podría ser l'anexu d'un templu (probablemente'l de Men Ascaënus, adoráu n'Antioquía).

Posiblemente foi fundada como colonia de Magnesia del Meandru. Pasó darréu a los perses, macedonios, seléucides y, nel 188 e.C., al Reinu de Pérgamu. Volvió a los romanos poco dempués del 133 e.C. y en tiempos d'Augustu foi fecha colonia col títulu d'Antiochia Caesaria. Foi visitada por Pablu de Tarsu y Bernabé apóstol. Coles mesmes, la ciudá tenía una numberosa colonia xudía.

Referencies

↑ Esti topónimu apaez na traducción al asturianu de los Mapes de l'Associació Bíblica de Catalunya
Esta fonte emplégase como referencia dende'l puntu de vista llingüísticu.
↑ Estrabón XII,8,14.

Bibliografía

Richard Stillwell, ed. Princeton Encyclopedia of Classical Sites, 1976: "Antioch, Phrygia, Turkey"
Mitchell, Stephen. Pisidian Antioch : the site and its monuments / by Stephen Mitchell and Marc Waelkens ; with contributions by Jean Burdy ... [et al.]. London : Duckworth with The Classical Press of Wales, 1998.

[1] Esti topónimu apaez na traducción al asturianu de los Mapes de l'Associació Bíblica de Catalunya
Esta fonte emplégase como referencia dende'l puntu de vista llingüísticu.

[2] Estrabón XII,8,14.

[1]

[2]