Roberto Mançini

File-Roberto_Mancini_-_Lech_-_Manchester_005.jpg

Roberto Mançini (27 noyabr 1964, İtaliya) italyan keçmiş futbolçu və İnter Milan FK-nın baş məşqçisi.

Futbolçu karyerası

Bolonya FC 1909

Roberto Mançini 27 noyabr 1964-cü ildə İtaliyanın Ankona şəhərində anadan olmuşdur. Futbola Bolonyanın məktəbində başlayan Mançini ilk peşəkar ilini 1981/82-ci illərdə yaşamışdır. Həmin il Bolonya'da 30 oyunda 9 qol vuraraq diqqətləri cəlb etmişdir. 1982/83-cü illərdə Sampdoriya FK-ya transfer olan Mançini 15 il ərzində bu komandanın formasını geyinmişdir.

Sampdoriya

Sampdoriya FK-da oynadığı 15 ildə 566 oyuna çıxmaqla 1 UEFA Kuboklar Kuboku və 4 İtalya Kuboku qazanmış, 1990/91-ci illərdə də komandanın tarixindəki ilk çempionluğunda da iştirak edən futbolçulardan biri olmuşdur. Həmin il Sampdoriya FK 57 qol vurarkən, Roberto Mançini 12 dəfə fərqlənmişdir. Bir il sonra isə bu komanda tarixin ilk UEFA Çempionlar Liqası finalında Barselona FK ilə qarşılaşmış, lakin Barselona FKnın əlavə vaxtda vurduğu qolla məğlub olmuşdur.

Latsio

Roberto Mançini 15 ildən sonra, yəni, 1997-ci ildə karyerasındakı üçüncü komandaya - Latsio FK-ya trasnfer olmuşdur. Mançini bu komanda ilə 1989/90-cı illərdə UEFA Kuboklar Kubokunu, 1999/2000-ci illərdə isə İtaliya A Seriyasını qazanmışdır.

Lester Siti

Mançini karyerasının son transferini İngiltərənin Lester Siti komandasına transfer olmaqla həyata keçirdi. Mançini, Lester Siti də heç 4 oyun keçirmədən fiziki cəhətdən hazır olmadığını dedi və futbolçu karyerasını bitirdi.

Baş məşqçilik karyerası

Fiorentina

Roberto Mançini 2001-ci il fevral ayında Fiorentina FK-dan ayrılan Fatih Terimin yerinə keçdi. Roberto Mançini baş məşqçi kimi ilk kubokunu da məhz Fiorentina FKda qazanmışdır. O, İtaliya Kubokunu finalda Parma FK-ya qalib gəlməklə qazanmışdır. Lakin maliyyə problemləri yaşayan komanda bir sıra ulduz futbolçularını satmağa məcbur olmuşdur. Beləliklə də, Mançini 2002-ci ilin yanvar ayında Fiorentinadan getmişdir.

Latsio

O, 2000/01-ci illərdə köməkçi məşqçi kimi çalışdığı Latsio FK-da 2002-ci ildə baş məşçiliyə gətirildi. 2002/03-cü illərdə liqanı dördüncü yerdə bitirdikdən sonra UEFA Çempionlar Liqasında pley-off oynamış, həmin il UEFA Kubokunda yarı finala çıxmışdır.

2003/04-cü illərdə UEFA Çempionlar Liqası pley-off'da Benfika FK-ya qalib gəlməklə qruplara yüksəlmiş, lakin qrupda sonuncu olmuşdur. Mançini və klubu liqanı altıncı yerdə bitirməklə UEFA Kubokunda pley-off haqqı qazanmışdır. Latsio FK Avropa və liqadakı uğurzusluqlara baxmayaraq İtaliya Kubokunda çempionluq qazanmış və Roberto Mançini karyerasına bir kubok da ələvə etmişdir. İl sonunda isə İnter Milan FK-dan təklif alan baş məşqçi növbəti il komandanın sükanı arxasına keçməyi qəbul etmişdir

İnter Milan

2004/05-ci illərin əvvəlində İnter Milan FK-da rəhbərliyə başlayan Mançini ilk rəsmi oyununu İtaliya Superkubokunda Yuventus FK-ya qalib gəlməklə qazanmışdır. İl sonunda isə liqanı üçüncü yerdə bitirməklə UEFA Çempionlar Liqasının pley-offuna yüksəlmişdir. Pley-off'da Bazel FK-ya qalib gələrək qruplara vəsiqə qazanmışdır. Qruplarda məğlubiyyət görməyən komanda səkkizdə bir finala yüksəlmişdir. Bu mərhələdə isə Porto FK-nı iki oyundan sonra 4-2 hesabı ilə məğlub etmişdir. Dörddə bir finalda isə Milan FK-ya iki oyundan sonra 5-0 məğlub olmuşdur. İtaliya Kubokunda isə çempion olmaqla İnter Milan FK-da ikinci kubokunu qazanmışdır.

2005/06-cı illərdə İtaliyada çempion olmaqla bərabər, həm ilin əvvəlində İtaliya Superkubokunu, həm də il sonu İtaliya Kubokunu da əldə etmişdir.

2006/07-ci illərdə komandaya Zlatan İbrahimoviç, Maikon, Fabio Qrosso, Patrik Viera və Hernan Krespo kimi ulduzlar dəvət olunmuşdur. Komanda UEFA Çempionlar Liqasında qrupda ikinci yeri tutmaqla növbəti mərhələyə keçmişdir. Lakin səkkizdə bir finalda Valensiya FK-ya məğlub olmaqla turnir ilə vidalaşmışdır.

2007/08-ci illərdə arxa-arxaya kuboklar qazanan Mançini, UEFA Çempionlar Liqasında yenə səkkizdə bir finalda məğlub olmuşdur. Komanda bu dəfə Liverpul FK-ya iki oyundan sonra 3-0 hesabı ilə məğlub olmaqla turnir ilə vidalaşmışdır. Beləliklə, İtaliya liqasında üç dəfə çempion olduqdan sonra komanda ilə razılaşmanı pozmuş və ayrılmışdır.

Mançester Siti

Mançester Siti FK-ya gəldiyi ilk sezon İngiltərə Premyer Liqasında beşincilik əldə etmiş və UEFA Avropa Liqasına vəsiqə qazanmışdır. Lakin səkkizdə bir finalda Dinamo Kiyev FK-ya məğlub olmaqla turnir ilə vidalaşmışdır. Növbəti sezon çempionluğu planlaşdıran komanda liqanın son oyununda qalib gəlməklə 44 illik həsrətə son qoymuş və çempion olmuşdur. UEFA Çempionlar Liqasına vəsiqə qazansa da, hələ qruplarda sonuncu olaraq turnir ilə erkən ayrılmışdır. Bunun nəticəsində də rəhbərlik baş məşqçini uğursuzluqla günahlandırmış və razılaşma qarşılıqlı pozulmuşdur.

Qalatasaray

Roberto Mançini, 29 sentyabr 2013-cü ildə Qalatasaray PFK ilə üç illik razılaşmışdır. 7 may 2014-cü ildə Türkiyə Kuboku (futbol)nu qazanmaqla karyerasına bir kubok da ələvə etmişdir. Həmin il komanda liqanı Fənərbaxça PFK-nın ardından ikinci yerdə tamamlamış və UEFA Çempionlar Liqasına birbaşa qatılmışdır. Lakin 11 iyun 2014-cü ildə komandadan ayrılmışdır.

İnter Milan

Roberto Mnaçini 14 iyun 2014-cü ildə yenidən İnter Milan FK-ya baş məşqçilik etməyə başlamışdır.