Billi Ayliş
Billi Ayliş Payret Beyrd O'Konnell (ing. Billie Eilish Pirate Baird O'Connell, 18 dekabr 2001, Los-Anceles, Kaliforniya) — Amerikalı müğənni-bəstəkar. 2015-ci ildə qardaşı Finneas O'Konnellin yazdığı "Ocean Eyes" mahnısı ilə ictimaiyyətin diqqətini cəlb etdi. Onun kommersiya baxımından uğurlu debüt mini albomu olan Don't Smile at Me (2017) ABŞ, Birləşmiş Krallıq, Kanada və Avstraliya daxil olmaqla bir çox ölkədə ilk 15-də yer alıb.
Billi Ayliş | |
---|---|
ing. Billie Eilish | |
Ümumi məlumatlar | |
Doğum adı | Billi Ayliş Payret Beyrd O'Konnell |
Doğum tarixi | 18 dekabr 2001[1][2][…] (22 yaş) |
Doğum yeri | Los Anceles, ABŞ |
Anası | Meqqi Beyrd |
Musiqiçi məlumatları | |
Fəaliyyəti |
|
Fəaliyyət illəri | 2015-ci ildən |
Janrlar |
|
Musiqi aləti | gitara |
Səs tembri | soprano[3] |
Albom şirkətləri |
|
Əlaqəsi |
Finneas O'Konnell (qardaşı) Brayan Beyrd (dayısı) |
Mükafatları | |
billieeilish.com | |
Vikianbarda əlaqəli mediafayllar |
Aylişin ilk studiya albomu When We Fall Asleep, Where Do We Go? (2019) ABŞ Billboard 200 və Birləşmiş Krallıq abomlar cədvəlində birinci yerdə debüt etdi. 2019-cu ilin ən çox satılan albomlarından biri oldu və Aylişi ABŞ Billboard Hot 100-də ilk bir nömrəli olan beşinci sinqlı "Bad Guy"ın uğuru ilə sevindirdi. Növbəti il o , Ceyms Bond filmi üçün "No Time to Die" mahnısını birgə yazıb ifa etdi, bu mahnı Birləşmiş Krallıq sinqllar cədvəlində birinci yerə çıxdı və 2022-ci ildə Ən yaxşı orijinal mahnıya görə Oskar Mükafatı qazandı. Onun sonrakı sinqlları "Everything I Wanted", "My Future", "Therefore I Am" və "Your Power" ABŞ və Birləşmiş Krallıqda ilk 10-luğa daxil oldu. Onun ikinci studiya albomu Happier Than Ever (2021) 25 ölkədə bir nömrəyə yüksəldi.
Ayliş yeddi Qremmi mükafatı, iki Amerika musiqi mükafatı, iki Ginnesin Rekordlar Kitabı, üç MTV video musiqi mükafatı, üç Brit Mükafatı, Qızıl qlobus mükafatı və Oskar mükafatı da daxil olmaqla bir çox mükafat əldə etdi. Eyni ildə dörd Qremmi kateqoriyasının hamısını - Ən yaxşı yeni sənətçi, ilin rekordu, ilin mahnısı və ilin albomu mükafatını qazanan ən gənc sənətçi oldu. 2019-cu ildə Time jurnalının Time 100 Next və 2021-ci ildə Time 100 siyahısında yer aldı. Amerika Səsyazma Sənayesi Birliyi (RIAA) və Billboard-a görə, Ayliş 26-cı ən yüksək sertifikatlı rəqəmsal sinql sənətçisi və 2010-cu illərin ən uğurlu sənətçilərindən biridir.
Həyatı
Billi Ayliş Payret Beyrd O'Konnell 18 dekabr 2001-ci ildə Los Anceles şəhərində anadan olub. Aktrisa və müəllim Meqqi Beyrd və aktyor Patrik O'Konnellin qızıdır, onlar da musiqiçidilər və Aylişin turlarında ona dəstək olurlae. Ayliş İrland və Şotland əsillidir. O süni mayalandırma yolu ilə əmələ gəlib. Onun ikinci adı Ayliş, əvvəlcə onun ilk adı, Payret isə ikinci adı olmalı idi. Los Ancelesin Haylend Park məhəlləsində böyüdü.
Ayliş və qardaşı Finneas, anası tərəfindən evdə təhsil aldılar, valideynləri onlara vaxt keçirmək və maraqlarını həyata keçirmək azadlığı vermək qərarına gəldi. Meqqi Beyrd, Ayliş və Finneasa mahnı yazmağın əsaslarını öyrətdi. Ayliş qardaşı və anasının onu musiqi ilə məşğul olmağa ruhlandırdığını söylədi. Valideynləri bacı-qardaşları özlərini ifadə etməyə və istədikləri hər şeyi, o cümlədən sənət, rəqs və aktyorluğu kəşf etməyə təşviq etdilər. Ayliş istedad şoularında da çıxış etdi və səkkiz yaşında Los Anceles Uşaq Xoruna qoşuldu. Altı yaşında ukulele çalmağa başladı. İlk "əsl" mahnısını 11 yaşında anasının mahnı yazma sinfi üçün yazıb. Mahnı zombi qiyaməti haqqında idi və Gəzən ölülər teleserialından ilhamlanaraq yazmışdı. Ayliş bəzi aktrisalıq imtahanlarına getmişdi ki, bu da onun xoşuna gəlmirdi; Bununla belə, o, izdiham səhnələri üçün fon dialoqunu yazmaqdan həzz alırdı və Diary of a Wimpy Kid, Ramona and Beezus, və X-Men seriyaları üzərində işləyirdi. Ayliş 2016-cı ilə qədər rəqs dərsləri də aldı, ayağından zədə aldıqdan sonra rəqs karyerasına son qoydu və diqqətini musiqi yazmağa yönəltdi.
Karyerası
2015–2017: Don't Smile at Me
2015-ci ildə 13 yaşlı Ayliş bir neçə il yazıb prodüserlik edən və öz qrupu olan qardaşı Finneas ilə mahnılar üzərində işləməyə başladı. Birlikdə qeyd etdikləri ilk mahnılar "She's Broken" və "Fingers Crossed" adlanırdı, birincisi Finneas, ikincisi isə Ayliş tərəfindən yazılmışdır. "Biz onları qeyd etdik və sadəcə əyləncə üçün SoundCloud-da yayımladıq" deyə xatırladı.
18 noyabr 2015-ci ildə Ayliş "Ocean Eyes" mahnısını buraxdı. Treki Finneas yazmış, miks ermiş və istehsal etmişdir. İlk olaraq mahnını Slightlys qrupu üçün yazmışdı, lakin Aylişin rəqs müəllimi xareoqrafiya üçün ondan mahnı yazmasını istəyəndə mahnını Aylişə vermək qərarına gəldi. Qardaş-bacı mahnını SoundCloud-da dərc etdi, mahnı iki həftə ərzində bir neçə yüz min dəfə dinləndi. Finneasın meneceri Denni Rukas, Aylişin potensialını müzakirə etmək üçün onunla əlaqə saxladı. Rukasinin fikrincə, o, Finneasın köməyi ilə əhəmiyyətli uğurlar qazana bilərdi.
2016-cı ilin yanvarında Finneas və onun meneceri Aylişə, A&R şirkəti Platoon ilə müqavilə bağlatdılar, Ayliş onu lüks moda markası Chanel ilə birləşdirən bir publisist və onun imicini formalaşdırmağa kömək edən bir stilist tapdı. 24 mart 2016-cı ildə Meqan Tompsonun rejissorluğu ilə çəkilmiş "Ocean Eyes" mahnısına çəkilmiş klipin premyerası Aylişin rəsmi YouTube kanalında baş tutdu. "Ocean Eyes" müxtəlif media orqanlarından və marketoloqlardan, o cümlədən radio stansiyalarından, Beats 1, KCRW, BBC One, Zeyn Lou, Ceyson Kramer, Enni Mak və Kris Duridas kimi musiqi nəzarətçilərindən tərif və promosiya əldə edəcəkdi.
23 iyun 2016-cı ildə Ayliş və Finneas ikinci sinql olan "Six Feet Under"-i SoundCloud vasitəsilə buraxdılar. Mahnı üçün evdə hazırlanmış musiqi videosu 30 iyun 2016-cı ildə buraxıldı. Videonun rejissorluğunu Ayliş etmiş, anası Meqqi Beyrd isə montaj etmişdir.