Paluruhan radioaktip

Paluruhan radioaktip (taler kaloktah dados paluruhan nuklir, radioaktivitas, disintegrasi radioaktip, utawi disintegrasi nuklir) inggih punika prosés ring dija inti atom sané nénten tegteg kélangan wasa olih radiasi. Lakaran sané madaging inti sané nénten tegteg kaanggep "radioaktip". Tiga saking soroh paluruhan pinih ketah punika paluruhan alpha (α-decay), paluruhan béta (β-decay), miwah paluruhan gamma (γ-decay), makasami ngalibatang émisi asiki utawi langkung partikel. Gaya enduk punika mékanisme sané matetegenan antuk paluruhan béta, sapunika kalih liyanan kaatur olih éléktromagnétisme miwah gaya nuklir. Soroh paluruhan umum kapat punika pangejukan éléktron, ring dija inti sané nénten tegteg ngejuk éléktron ring asiki kules éléktron. Icalné éléktron saking kulesné ngasilang kaskade éléktron sané ulung nuju kules sané langkung éndép, sané ngasilang émisi sunar-X diskrit saking transisi. Conto ketahné punika yodium-125 sané ketah kaanggén ring pangaturan médis.

Paluruhan alpha olih nukléus mancarang partikel alpha saking kalih néutron miwah kalih proton; taler kaloktah dados inti hélium.