Kalifornien

Kalifornien (englisch California^?/i [kælɪˈfɔɹnjə] und spanisch California [kaliˈfoɾnja]) is mid 33 Mio. Eihwohna da bvejkarungreichste Bundestoot vo de USA. Da offizielle Beinam vom Stoot is Golden State (Goidna Stoot). Vo da Flächn hea gseng is da drittgresste Bundestoot, noch Alaska und Texas. Kalifornien ligt im Westn vo de Vaeinigtn Staatn und grenzt an Pazifischn Ozean, a de Bundesstootn Oregon, Nevada, Arizona und an Mexiko. De bekanntestn Städt hand Los Angeles und San Francisco. De Fuimstod Hollywood is a Beziak vo Los Angeles. De Haptstod vo Kalifornien is Sacramento.

Kalifornien

Hauptstod:

Sacramento

Stootsmotto:

Eureka!

Fläch:

423.970 km²

Eihwohna:

37.253.956 (Zensus 2010) (88,0 E. / km²)

Mitglied seit:

9. September 1850

Zeit:

Pacific: UTC-8/-7

Häxda Punkt:

4.418 m (Mount Whitney)

Durchschn. Hächn:

884 m

Diafsta Punkt:

-86 m Death Valley

Gouverneur:

Gavin Newsom (D)

Post / Amt / ISO

CA / / US-CA

Koartn vo Kalifornien

Heakunft vom Nam

D Heakuknft vom Nam California is ned gwies. Noch oana theorie, hods den Nam scha gehm, bevor de easchtn Eiropäer des Land entdeckt und erobert hamd. 1510 hod da Spanier Garci Rodríguez de Montalvo an Roman gschrim, wo a Insl wo voi mid Goid is viakimmd, Kalifornien hoaßt und wo vo wundaschene Amazonen bewohnt is, wo d Königin Califia hoaßt. Wia nochad 1535 an Hernán Cortés' seine Soidatn noch Baja California keman hand, hamds gmoand, es wad a Insl, und hamds noch am Montalvo seim Biachl gnennd.^[1]

Eadkund

Geographische Koant vo Kalifornien

Kalifornien ligt a da Schnittstej vo zwoa tektonische Blattn, de se San-Andreas-Vawerfung schimpft, desweng kimmts a dera Region heifig zu Eadbem.

Mid arana Flächn vo 423.970 Quadratkilomeda is Kalifornien noch Alaska und Texas, da drittgresste Bundestoot vo de USA. Ois a eings Land wads wejdweid aufm 95. Bloz vo de flächnmasse gresstn Lända, zwischn am Irak und Paraguay. S Land dastreck se auf a Läng vo mehra wia 1.231 Kilomeda zwischn 32° 30' N und 42° N und aufrana Brean vo von 400 Kilomeda zwischn 114° 8' W und 124° 24' W.

Mim Mount Whitney (4.418 Meter) ligt da hächste Beag vo de USA außahoi vo Alaska in Kalifornien. Eba 100 Kilomeda davo wegad ligt de Wüstngengan Death Valley (Tal des Todes) mim diafstn Punkt vo de USA, Badwater, 85,5 Meter undam Meeresspiagl. S Doi hod sein Nam aus da Zeid vo de easchtn Siedla vo da Westküstn griagt, de wos oft amoi recht diascht hod a dera Hitzn wias duach de Wüstn groast hand.

In Kalifornien gibts nu an Haufa Nationalparks, da woascheinle bekannteste davo is da Yosemite-Nationalpark.