Bäagwachd vo Baian

Bäagwachd oda Bäagreddung

Z'Ästareich hoaßen de, des gleiche machan, Bäagreddung. D'Bäagwachd duad do auf'd Schwammal aufbassen (bidde ergänzn).

Im gradig obagriabigen Süddirroi woas i jetz ned wias hoassn, de Buam. Schreibts hold amol wos rain!.

Bäagwachd in Baian

Geschichte

D'Bäagwachd is aus lauta griabige loder raus entstandn, de wo si amoi dacht ham, ma kannt doch de Madln und Buam, dena am Berg wos bassiad is, heifn. Am Ofang hams des no fo minga aus mid am Lastwong gmacht. Do war zum Beischbui da Gramminger Wiggerl mid dabei. So noch und noch sans na mehra worn und es ham sie in de Därfa in de Berg Burschn gfunna, de do midgmachd ham. De san damois wia heid a no vo da arbad weg und ham des Diannai oda den Loda, der sie wos do hod, aus de Berg ghoid. So mid da Zeid na, ham sie do ganze Bereidschafden gegründet, de zum Roudn Greiz ghäd ham. Un na is voi losganga. Irgendwann hams na Audos ghabt, ham si gwande Methodn und Huifsmiddl zua Bergreddung sich ausdacht und des ganze is oiwa bessa worn. Ganz schneidige Läda san denascht mim Voischiam vo am Flugzeug aus o'gschprunga und beim Valätzdn gland. Des warn Hund, du, mei Liaba! Noascht is na da Hubschrauba kema. Am ofang sans bloß mid de Hobe vo de Soidotn gflogn, späda san na andere Hubschrauba a no kema. Jetz machan des so schwindlige Hoibschuhmünchna vom ADAC.

Heidsdogs is des ois modern.

Aufgom

D'Bergwacht hoid verledsde und erkrankte Leid vom Berg oba, oiso d'Sanis am Berg om, kwasi. Se schaun oba a auf eana Hoamad und auf de scheene Natur, gä. Wer oid gnua is, oiso 16 jar oid, dea kon dazua geh und is na Anwärta ("Kuaza"). Des machd a/sie zwoa Jahr lang un duachlafd a anständige Ausbildung. Im Summa graxln und Einradfahrn, im Winta Schifarrn und Akjafarrn. Außadem werd a/s Sani. Wenn a/s des gmachd hod, na farrd a/s zua Prüfung. Oimoi im Summa und na im Winta. Do schaut ma dann, ob des Dianai oda der Bursch am Bergwachdla gleichschaugt und ob man auf'd Leid loslossn ko.

Schafft a des, is a Bergwachdla(rin). Schofkopfn is a no wichdig.

Griabige Läda

Wiggerl Gramminger
Hans Hibler
Klaus Heiß
Sepp Troger
Blech Kare

(Bidde olle dazuaschreim!)

sunst

Da de Beagwachdla (ausnam is oft minga) griabige, boarische (minga?) Läda san, dringa sie nach getanem Dienst und Arbad gern amoi a Hoibe oda zwoa und Schnupfan.

mehra

http://www.bergwacht-bayern.org