Прагляд крыніцы для Вайсрутэнізацыя

'''Вайсрутэніза́цыя''' ({{Мова-de|Weissruthenisation}}) — умоўная і часткова прынятая ў гістарыяграфіі<ref>Напр., у працах [[Юры Туронак|Туронка]]</ref> назва палітыкі, якая праводзілася ў Беларусі нямецкай акупацыйнай грамадзянскай адміністрацыяй [[Генэральны камісарыят Беларусь|Генэральнага камісарыяту «Вайсрутэнія»]] пад кіраўніцтвам [[Вільгельм Кубэ|В. Кубэ]], а пазьней [[Курт фон Готбэрг|Готбэрга]], у час [[Нямецкая акупацыя Беларусі 1941—1944 гадоў|нямецкай акупацыі (1941—1944)]].

У самым пачатку дзейнасьці як кіраўніка нямецкай грамадзянскай адміністрацыі Кубэ абвясьціў намер дасягнуць паразуменьня зь беларускім грамадзтвам на грунце ўпарадкаванай гаспадарчай дзейнасьці, культурных і палітычных саступак, зьдзейсьніў шэраг мераў у гэтым кірунку. Спрабаваў паказаць беларускаму народу станоўчую пэрспэктыву нямецкай акупацыі. Нечакана для многіх даў высокі прыярытэт разьвіцьцю слабога, як заўважалася, нацыянальнага пачуцьця беларусаў, публічна акрэсьліваў [[Беларусь]] як жыцьцёвую прастору [[Беларусы|беларускага народу]]. Шмат якія дзеяньні ў падтрымку беларускага нацыянальнага руху зьяўляліся ягонай уласнай ініцыятывай або вынікамі яго доўгіх намаганьняў. Дзеля атрыманьня лепшай палітычнай падтрымкі сваіх намаганьняў у кіравальных колах Нямеччыны выставіў ідэю аб нардычным паходжаньні беларусаў (пач. 1943).

Між іншым, выдаў тымчасовую інструкцыю па абавязковай сямігадовай школьнай адукацыі ([[10 верасьня]] [[1941]]), зварот «Да жыхароў Беларусі!» ([[22 верасьня]] 1941), спрыяў дзейнасьці [[Беларуская народная самапомач|Беларускай народнай самапомачы (БНС)]], стварэньню [[Беларускі корпус самааховы|Беларускай самааховы (БСА)]], адкрыцьцю мэдыцынскага інстытуту ў Магілёве ([[13 траўня]] [[1943]]), дэкрэту аб прыватызацыі зямлі ([[3 чэрвеня]] 1943), стварэньню [[Саюз беларускай моладзі|Саюзу беларускай моладзі (СБМ)]] ([[22 чэрвеня]] 1943), падтрымліваў захады па беларусізацыі царкоўнага жыцьця.

== Глядзіце таксама ==

* [[Палянізацыя]]
* [[Русіфікацыя Беларусі]]

== Крыніцы і заўвагі ==

{{зноскі}}

[[Катэгорыя:Нямецкая акупацыя Беларусі (1941—1944)]]

[[be:Вайсрутэнізацыя]]