Кіслоты

Кісло́ты — адзін з асноўных класаў хімічных злучэнняў. Атрымаў сваю назву з-за кіслага смаку большасці кіслот, такіх як азотная ці серная. Па дэфініцыі Г. Льюіса, кіслата — гэта электраліт (рэчыва, якое ўдзельнічае ў рэакцыях з пераходам электрона), які аддае электрон у рэакцыі з асновай (рэчывам, якое прымае электрон). У тэорыі Брэнстэда-Лоўры, кіслата — рэчыва, якое аддае пратон (аснова — рэчыва, якое прымае пратон). Паводле тэорыі электралітычнай дысацыяцыі, кіслата — гэта электраліт, пры электралітычнай дысацыяцыі якога з катыёнаў утвараюцца толькі катыёны вадароду.

Хімічныя ўласцівасці

• Рэакцыі з асновамі (рэакцыя нейтралізацыі)

HCl + KOH → KCl + H₂O

• Рэакцыі з металамі

2HCl + Zn → ZnCl₂ + H₂↑

• Рэакцыі з солямі

2HCl + Na₂CO₃ → Н₂O + CO₂ + 2NaCl

Гэтыя рэакцыі ідуць пры адной з наступных умоў: 1) Мацнейшая кіслата выцісняе соль слабейшай. 2) Калі ў выніку рэакцыі ўтвараецца нерастваральны асадак ці выдзяляецца газ. Напрыклад — H₂SO₄ + BaCl₂ → BaSO₄↓ + 2HCl↑

• Рэакцыі з асноўнымі аксідамі

HCl + CaO → CaCl₂ + H₂↑

Гл. таксама

• Сульфанілавая кіслата
• Вадародны паказчык

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Кислоты. Классификация кислот. Химические свойства. (руск.)
• Кислоты и основания // ХиМиК.ру (руск.)