Анатоль Аляксандравіч Жук

Анатоль Аляксандравіч Жук
Анатоль Аляксандравіч Жук
Дата нараджэння	20 мая 1949
Месца нараджэння	Ярэмічы, Ярэміцкі сельсавет, Мірскі раён, Баранавіцкая вобласць, БССР, СССР;
Дата смерці	19 лістапада 2009 (60 гадоў)
Месца смерці	Мінск, Беларусь;
Адукацыя	Беларуская дзяржаўная акадэмія мастацтваў;
Прафесія	акцёр, пісьменнік
Тэатр	Магілёўскі абласны тэатр драмы і камедыі імя Вінцэнта Дуніна-Марцінкевіча; Беларускі дзяржаўны акадэмічны тэатр юнага гледача;
Член у	Саюз беларускіх пісьменнікаў;
Прэміі	Прэмія Ленінскага камсамола Беларусі
Узнагароды

Анатоль Аляксандравіч Жук (20 мая 1949, в. Ярэмічы, Карэліцкі раён — 19 лістапада 2009, Мінск) — беларускі акцёр, пісьменнік. Заслужаны артыст Беларусі (1997).

Біяграфія

Вучыўся ў Ярэміцкай сярэдняй школе. Скончыў Беларускі тэатральна-мастацкі інстытут у 1970 годзе.

У 1970—1973 гг. працаваў у Магілёўскім абласным тэатры драмы і камедыі ў г. Бабруйску. 3 1975 года ў Беларускім рэспубліканскім тэатры юнага гледача.

Сябра Саюза пісьменнікаў Беларусі з 1993 года^[1].

Творчасць

Значнае месца сярод роляў камедыйнага і вострахарактарнага плана займалі казачныя персанажы, у якіх Жук падкрэсліваў дамінуючую рысу, дэманстраваў выразную пластыку. Актыўнасць жыццёвай пазіцыі акцёра праяўлялася ў створаных Жуком вобразах мужных, валявых людзей: Несцерка (аднайменная п’еса В. Вольскага), Цюхай-Ліпскі («Пінская шляхта» В. Дуніна-Марцінкевіча), Ратнік («Песня пра зубра» паводле Міколы Гусоўскага), Міканор («Подых навальніцы» паводле І. Мележа), Віктар («Экзамен на восень» І. Шамякіна), Дабрыня («Палачанка» А. Дударава), Цар возера («Ноч на Івана Купалу» Ю. Куліка), Фабіян («Дванаццатая ноч^[ru]» У. Шэкспіра), Важак («Бэмбі^[ru]» паводле Ф. Зальтэна) і інш.

Аўтар зборнікаў: прозы «Помста матылькоў» (1991), «Пагаварыць трэба» (1993), «Дзённае паляванне на месяц» (2002), вершаў «Туга» (2007), рамана «Бульвар» (2009).

Узнагароды

Заслужаны артыст Беларусі (1997). Лаўрэат прэміі Ленінскага камсамола Беларусі (1980).

Зноскі

↑ Жук Анатоль – Белліт (бел.) (21 кастрычніка 2023). Праверана 31 снежня 2023.

Літаратура

Р. І. Баравік. Жук Анатоль Аляксандравіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

[1] Жук Анатоль – Белліт (бел.) (21 кастрычніка 2023). Праверана 31 снежня 2023.

[1]