Дзяніс Мікалаевіч Шчарбіцкі

Дзяніс Шчарбіцкі
Дзяніс Шчарбіцкі
Агульная інфармацыя
Поўнае імя	Дзяніс Мікалаевіч Шчарбіцкі
Нарадзіўся	14 красавіка 1996 (28 гадоў); Мінск, Беларусь;
Грамадзянства	Беларусь
Рост	197 см
Вага	92 кг
Пазіцыя	брамнік
Інфармацыя пра клуб
Клуб	Урал
Нумар	77
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 студзеня 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 16 кастрычніка 2018 ;

Дзяніс Шчарбіцкі (нар. 14 красавіка 1996, Мінск) — беларускі футбаліст, брамнік расійскага клуба «Урал» з Екацярынбурга.

Клубная кар’ера

Выхаванец дзіцячай школы мінскага МТЗ-РІПА, пазней трапіў у структуру барысаўскага БАТЭ. З 2014 года пачаў выступаць за дубль, таксама ў 2014 і 2015 гадах выступаў за барысаўскі клуб у Юніёрскай лізе УЕФА.

З 2015 года пачаў прыцягвацца да асноўнай каманды. 7 ліпеня 2016 года дэбютаваў у аснове БАТЭ ў матчы Вышэйшай лігі супраць «Іслачы» (3:1). Да канца сезона 2016 згуляў яшчэ ў чатырох матчах чэмпіянату. У верасні 2016 года падпісаў новы кантракт з БАТЭ^[4].

У сезоне 2017 стаў асноўным брамнікам БАТЭ, правёў за каманду 23 матчы ў чэмпіянаце Беларусі, 4 у Лізе чэмпіёнаў і 8 у Лізе Еўропы. Па выніках сезона 2017 быў прызнаны найлепшым брамнікам чэмпіянату Беларусі. У студзені 2019 года падоўжыў кантракт з барысаўчанамі^[5]. Пачынаў сезон 2019 у якасці асноўнага брамніка, аднак у чэрвені атрымаў траўму і да канца года на полі не з’яўляўся. Траўмы пераследавалі футбаліста і ў наступныя гады: у сезоне 2020 чаргаваўся з Антонам Чычканам, а ў 2021 годзе ўвогуле не з’яўляўся на полі.

У лютым 2022 года яшчэ на год падоўжыў пагадненне з БАТЭ^[6]. Толькі з лета пачаў пачаў трапляць у заяўку каманды на матчы, у сезоне 2022 правёў дзве гульні ў Вышэйшай лізе. У пачатку 2023 года з-за забароны Міністэрства спорту і турызму не трапіў у заяўку БАТЭ на сезон і не ўдзельнічаў у афіцыйных матчах.

У ліпені 2023 года перайшоў у екацярынбургскі «Урал»^[7]. У студзені 2024 года падпісаў новы доўгатэрміновы кантракт з клубам^[8].

Міжнародная кар’ера

У 2012—2013 гадах гуляў за юнацкую зборную Беларусі ў кваліфікацыі чэмпіянату Еўропы.

17 студзеня 2015 года дэбютаваў у моладзевай зборнай Беларусі, выйшаўшы на замену ў канцы матча супраць Эстоніі на Кубку Садружнасці ў Санкт-Пецярбургу. Пазней стаў асноўным брамнікам моладзевай зборнай.

9 чэрвеня 2018 года дэбютаваў у нацыянальнай зборнай Беларусі, адгуляўшы ўсе 90 хвілін у таварыскім матчы супраць Фінляндыі (0:2).

Дасягненні

01 Чэмпіён Беларусі (3): 2016, 2017, 2018
02 Сярэбраны прызёр чэмпіянату Беларусі (2): 2019, 2020
03 Бронзавы прызёр чэмпіянату Беларусі: 2022
Уладальнік Кубка Беларусі: 2020
Уладальнік Суперкубка Беларусі: 2017
Найлепшы брамнік чэмпіянату Беларусі: 2017
У спісе 22 найлепшых футбалістаў чэмпіянату Беларусі (2): 2017, 2018

Статыстыка выступленняў

Сезон	Дывізіён	Клуб	Матчы	Галы
2013	дубль	БАТЭ	0	0
2014	дубль	БАТЭ	6	−6
2015	дубль	БАТЭ	3	−3
2016	Д1	БАТЭ	5	−3
2017	Д1	БАТЭ	23	−12
2018	Д1	БАТЭ	26	−18
2019	Д1	БАТЭ	10	−3
2020	Д1	БАТЭ	14	−15
2021	Д1	БАТЭ	0	0
2022	Д1	БАТЭ	2	−3

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[9].

Крыніцы

↑ Denis Shcherbitski // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>
↑ Denis Scherbitskiy // FBref.com
<a href="https://wikidata.org/wiki/Track:Q56239490"></a>
↑ https://fcbate.by/team/base/4
↑ Футбол. Денис Щербицкий продлил контракт с БАТЭ (руск.)(недаступная спасылка). pressball.by (21 верасня 2016). Архівавана з першакрыніцы 24 верасня 2016.
↑ Денис Щербицкий продлил контракт с БАТЭ (руск.). football.by (15 студзеня 2019). Праверана 24 студзеня 2024.
↑ БАТЭ на один сезон продлил контракт со Щербицким (руск.). football.by (1 лютага 2022). Праверана 24 студзеня 2024.
↑ Щербицкий стал игроком "Урала" (руск.). football.by (5 ліпеня 2023). Праверана 24 студзеня 2024.
↑ Щербицкий, ни разу не сыграв за "Урал", подписал новый контракт с клубом (руск.). football.by (19 студзеня 2024). Праверана 24 студзеня 2024.
↑ 93 беларускія футбалісты выступілі з асуджэннем гвалту ВІДЭА (бел.). Наша Ніва (12 верасня 2020). Праверана 24 студзеня 2024.

[club-3] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 студзеня 2024.

[national-4] Колькасць гульняў і галоў за нацыянальную зборную ў афіцыйных матчах, адкарэктавана станам на 16 кастрычніка 2018

[_580881a9ebe7c4ec-1] Denis Shcherbitski // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[_1d493c655693a5f5-2] Denis Scherbitskiy // FBref.com
<a href="https://wikidata.org/wiki/Track:Q56239490"></a>

[_700017809ffe1f54-5] ttps://fcbate.by/team/base/4

[6] Футбол. Денис Щербицкий продлил контракт с БАТЭ (руск.)(недаступная спасылка). pressball.by (21 верасня 2016). Архівавана з першакрыніцы 24 верасня 2016.

[7] Денис Щербицкий продлил контракт с БАТЭ (руск.). football.by (15 студзеня 2019). Праверана 24 студзеня 2024.

[8] БАТЭ на один сезон продлил контракт со Щербицким (руск.). football.by (1 лютага 2022). Праверана 24 студзеня 2024.

[9] Щербицкий стал игроком "Урала" (руск.). football.by (5 ліпеня 2023). Праверана 24 студзеня 2024.

[10] Щербицкий, ни разу не сыграв за "Урал", подписал новый контракт с клубом (руск.). football.by (19 студзеня 2024). Праверана 24 студзеня 2024.

[11] 93 беларускія футбалісты выступілі з асуджэннем гвалту ВІДЭА (бел.). Наша Ніва (12 верасня 2020). Праверана 24 студзеня 2024.

[1]

[2]

[3]

[* 1]

[* 2]

[4]

[5]

[6]

[7]

[8]

[9]