Млада Болеслаў

Горад Млада Болеслаў чэшск.: Mladá Boleslav Герб Сцяг Краіна Чэхія Край Сярэднячэшскі Раён Млада Болеслаў Каардынаты 50°24′45″ пн. ш. 14°54′23″ у. д. Кіраўнік Jiří Bouška[d] Першая згадка 1130 Ранейшыя назвы Юнгбунцлау Плошча 28,9 км² Вышыня цэнтра 235 м Водныя аб’екты Jizera[d] Насельніцтва ▲ 44 226 чалавек (2012) Часавы пояс UTC+1, летам UTC+2 Тэлефонны код + 420 326 Паштовы індэкс 293 01 Аўтамабільны код S (старыя MB) Афіцыйны сайт mb-net.cz Млада Болеслаў на карце Чэхіі

Медыяфайлы на Вікісховішчы

Мла́да-Бо́леслаў (чэшск.: Mladá Boleslav), был. Юнгбунцлау (ням.: Jungbunzlau) — горад у Чэхіі, на тэрыторыі Сярэднячэшскага края. Адміністрацыйны цэнтр раёна Млада Болеслаў і муніцыпалітэт з пашыранымі паўнамоцтвамі. Размешчаны на левым беразе ракі Ізеры, за 50 км на паўночны ўсход ад Прагі. Чыгуначны вузел.

Насельніцтва 43,4 тысяч жыхароў (2003). Плошча 28,9 км².

Гісторыя

Горад Млада Болеслаў быў заснаваны ў другой палове X стагоддзя Баляславам II як каралеўскі замак. Да часу яго заснавання каля Прагі ўжо меўся замак пад назвай Болеслаў, таму новы замак быў названы Mladá («маладым») Болеславам, што дазволіла лёгка адрозніваць яго ад больш старога замка, які атрымаў у XV стагоддзі назву Stará Boleslav («Стары Болеслаў»).

Дзякуючы свайму выгоднаму размяшчэнню на шляху з Прагі ў Лужыцу і Брандэнбург Млада Болеслаў хутка развіваўся, у 1334 і 1436 гадах атрымліваў правы каралеўскага горада.

У XVI стагоддзі горад зрабіўся галоўным цэнтрам чэшскіх братоў, якія заснавалі тут адну з першых сваіх друкарань. У XVII стагоддзі прыйшоў у заняпад.

У канцы XIX стагоддзя горад перажыў «другое нараджэнне» дзякуючы заснаванаму тут заводу «Шкода»; Млада Болеслаў квітнее дзякуючы аўтамабільнаму заводу і дагэтуль.

Эканоміка

З'яўляецца галоўным цэнтрам чэшскай аўтамабільны прамысловасці; завод у Млада Болеславе выпускае аўтамабілі сусветна вядомай маркі «Шкода». Вырабляюцца пераважна легкавыя аўтамабілі. Ёсць малаважная цукровая прамысловасць.

Славутасці

Асноўнымі славутасцямі горада з'яўляюцца:

• Младабалеслаўскі замак;
• Старамесцкая ратуша;
• Гістарычны музей (у палацы «Тэмпль», адкрытым нядаўна пасля рэканструкцыі);
• Аўтамабільны музей, прысвечаны прадукцыі заводу «Шкода»;
• Касцёл Унебаўзяцця Дзевы Марыі;
• Касцёл Святога Яна Непамуцкага;
• Касцёл Святога Гаўла;
• Манастыр мінарытаў;
• Кірха чэшскіх братоў;
• Гарадскі тэатр;
• Руіны замка Міхалавіцы;
• Краязнаўчы музей.

• 
  Младабалеслаўскі замак
• 
  Палац Тэмпль
• 
  Касцёл Святога Гаўла
• 
  Кірха чэшскіх братоў
• 
  Гарадскі тэатр

Вядомыя асобы

• Болеслаў Вомачка (1887–1978) — чэшскі кампазітар, музычны крытык і педагог.
• Ян Жалезны (нар. 1966) — знакаміты чэшскі дзідакідальнік, алімпійскі чэмпіён.
• Венцаслаў Чэрны (1865—1936) — чэшскі мастак.

Спасылкі

• На Вікісховішчы ёсць медыяфайлы па тэме Млада Болеслаў
• Афіцыйны сайт горада Архівавана 7 студзеня 2006. (чэшск.)
• Вэб-камера г. Млада Болеслаў, від на Старамесцкую плошчу