Хрысціна Аляксееўна Лялько

Хрысціна Аляксееўна Лялько
Асабістыя звесткі
Дата нараджэння	30 сакавіка 1956(1956-03-30) (68 гадоў)
Месца нараджэння	Хадзюкі, Радзівонішкаўскі сельсавет, Лідскі раён, Гродзенская вобласць, БССР, СССР
Грамадзянства	Беларусь
Альма-матар	філалагічны факультэт БДУ
Месца працы	Дзяржаўны літаратурны музей Янкі Купалы Літаратура і мастацтва Беларусь Наша Вера Ave Maria
Прафесійная дзейнасць
Род дзейнасці	перакладчыца, пісьменніца, паэтка, журналістка, публіцыстка
Мова твораў	беларуская

Хрысціна Аляксееўна Лялько (30 сакавіка 1956, в. Хадзюкі, Лідскі раён) — беларуская пісьменніца, перакладчыца і журналістка.

Біяграфія

Пасля заканчэння Тарноўскай сярэдняй школы (1973) працавала бухгалтарам у Радзівонішкаўскім сельсавеце Лідскага раёна. Скончыла філалагічны факультэт БДУ. Працавала ў Літаратурным музеі Янкі Купалы, штотыднёвіку «Літаратура і мастацтва», часопісе «Беларусь». Галоўны рэдактар каталіцкіх часопісаў «Наша Вера» і «Ave Maria».

Творчасць

Першыя вершы апублікавала ў 1971 годзе ў лідскай газеце «Уперад». Аўтар кніг прозы «Дарога пад гару», «Світанак над бярозамі» і кнігі паэзіі «На далонях любові». У яе апрацоўцы выйшаў зборнік народных казак «Хітрэй свету не будзеш». Пераклала на беларускую мову нарыс Уладзіслава Сыракомлі «Мінск», кнігі Папы Яна Паўла II «Пераступіць парог надзеі», «Дар і Таямніца», «Устаньце, хадзем!», «Памяць і самасвядомасць», энцыклікі «Fides et ratio», «Ecclesia de Eucharistia», Апостальскі ліст пра Ружанец «Rosarium Virginis Mariae», творы Яна Твардоўскага ды іншыя тэалагічныя творы.

Бібліяграфія

• Світанак над бярозамі / Хрысціна Лялько. — Мінск: Юнацтва, 1989. — 223 с., 4 л.іл. ISBN 6-7880-0065-3

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).