Pascal

Ar pascal (simbol : Pa) eo unanenn SI ar gwask. Kevatal eo gant un newton dre metr karrez. Ar memes unanenn a vez implijet c'hoazh evit muzuliañ ar striv, modul Young hag al lastikder.

Termenadur

1 pascal (Pa) = 1 N/m² = 1 J/m³ = 1 kg·m^–1·s^–2

Lieskementoù SI

Lieskement	Anv	Simbol		Lieskement	Anv	Simbol
100	pascal	Pa
101	dekapascal	daPa		10-1	desipascal	dPa
102	hektopascal	hPa		10-2	santipascal	cPa
103	kilopascal	kPa		10-3	milipascal	mPa
106	megapascal	MPa		10-6	mikropascal	µPa
109	gigapascal	GPa		10-9	nanopascal	nPa
1012	terapascal	TPa		10-12	pikopascal	pPa
1015	petapascal	PPa		10-15	femtopascal	fPa
1018	egzapascal	EPa		10-18	atopascal	aPa
1021	zetapascal	ZPa		10-21	zeptopascal	zPa
1024	yotapascal	YPa		10-24	yoktopascal	yPa

Orin

Anvet eo bet an unanenn diwar Blaise Pascal, ar matematikour, fizikour ha prederour gall dreist.

Displegadurioù

1 megapascal (MPa) = 1 000 000 Pa = 1 N/mm².

Ar gwask atmosferek standart zo 101 325 Pa = 101,325 kPa = 1013,25 hPa = 1013,25 mbar = 760 Torr (ISO 2533).

E pad pell e voe muzuliet ar gwask atmosferek e milibar gant ar veteorologourien dre ar bed. Goude ma voe degaset an SI e voe gwelloc'h gant kalz anezho mirout an talvoudoù boas evit ar gwask. Setu perak e vez implijet an hektopascal hiziv-an-deiz gant ar veteorologourien evit an aerwask, dre m'eo kevatal an hektopascal gant ar milibar, tra ma vez roet gwaskoù damheñvel e kilopascal en holl dachennoù all pe dost, e lec'h ma ne vez ket graet gant ar rakger hekto.

1 hektopascal (hPa) = 100 Pa = 1 mbar.

1 c'hilopascal (kPa) = 1000 Pa = 10 hPa.

Er sistem mts soviedel kozh e oa an unanenn gwask ar pieze a zo kevatal gant ur c'hilopascal.

Keñveriañ gant unanennoù gwask all

1 bar	100 000 Pa
1 barye	0,1 Pa
1 milibar	100 Pa
1 atmosfer	101 325 Pa
1 mmHg (pe Torr)	133,322 Pa
1 inHg	3386,833 Pa
1 cmH2O	98,0638 Pa