Kahigibu Suurili
Kahigibu Suurili
| Pahi la | Alikuraan  |
|---|---|
| Zuliya wuhibu | البينة |
| Japan zuliya (yuli kana) sabbu ni | めいしょう |
| Be lɛbigili zuliya nima ni | 98. The Clear Evidence, Q31204769 |
| Balli tuma bɛi balli yuli | laribanchi |
| Tuma ŋɔ maa zaa bɛla URL maa ni | https://quran.com/98 |
| Nahingbaŋ | Medinan surah |
Kahigibu Suurili (Al-Bayyinah ٱلْبَيِّنَة)[1]
Suurili ŋɔ maa wuhirila chɛfurinim’ mini dolodolonima, n-ti pahi Yahuudunim’ hala, n-zaŋ chaŋ Annabi Muhammadu, Naawuni nambɔzobo ni naani ni be so zuɣu, saha shɛli o ni daa ti kana ni yɛlimaŋli Daadiini ŋɔ maa nyaaŋa.
Aaya nima
[mali niŋ | mali mi di yibu sheena n-niŋ]Aaya nima:[2]
- 1. Ninvuɣu shɛba ban niŋ chɛfuritali ban mali litaafi (Yahuudu mini Nashaaranim’) puuni, ni buɣujɛmdiba pala ban yɛn vuui (ka chɛ bɛ chɛfuritali) hali ka kahigibu (Annabi Muhammadu tuuntali) ti ka ba na.
- 2. O nyɛla tuun’ so ŋun yi Naawuni sani na, n-ti karindi kundinima din niŋ kasi.
- 3. Ka di puuni mali saba shɛŋa din mali darza.
- 4. Yaha! Ninvuɣu shɛba ban mali litaafi maa namgbana daa bi woli naɣila kahigibu ni daa ti ka ba na nyaaŋa.
- 5. Yaha! Bɛ daa bi puhi ba shɛli m-pahila bɛ jɛmmi Naawuni, ka nyɛla ban gahim O ko ni jɛma, ka bi bo nyintaa pahi O zuɣu, ka bɛ lahi puhi jiŋli ka ti zaka. Yaha! Dina n-nyɛ adiini shɛli din tuhi (sochibga).
- 6. Achiika! Ninvuɣu shɛba ban niŋ chɛfuritali ban mali litaafi (Yahuudu mini Nashaaranim’) puuni, n-ti pahi buɣujɛmdiba yɛn ti bela ʒahannama buɣum ni, ka nyɛla ban yɛn kpalim di puuni, bannim’ maa n-nyɛ binnamda puuni ninvuɣu biɛri.
- 7. Achiika! Ninvuɣu shɛba ban ti Naawuni yɛlimaŋli, ka tum tuunviɛla, bannim’ maa n-nyɛ binnamda puuni ban gahim.
- 8. Bɛ sanyoo bɛ Duuma sani yɛn ti nyɛla Alizanda yili shɛŋa din kulibɔna yɛn ti zɔri di gbinni, ka bɛ nyɛla ban yɛn ti kpalim di puuni kuli mali wɔra. Naawuni niŋ ba yɛdda, ka bɛ gba saɣi ti (O ni ti ba pini shɛli maa). Di (lala sanyoo maa) ʒemi n-ti ŋun zo o Duuma (Naawuni).
Kundivihira
[mali niŋ | mali mi di yibu sheena n-niŋ]- ↑ Bachigahinda Din Be Dagbanli Kur'aani Puuni. The Noble Qur'an: Translation of the Meanings (Dagbani language).
- ↑ Translation of the Meanings of the Noble Qur'an - Dagbani translation, by Muhammad Baba Gutubu.