Ekwatorialna Guineja

Republika Ekwatorialna Guineja
	wuzwólone gronko:; Unidad, Paz, Justicia
	zakładne daty:
mě swójske	República de Guinea Ecuatorial; République de Guinée équatoriale
stolica	Malabo
płoń	28.051 km²
wobydlaŕstwo	740 743
gustosć zasedlenja	26,4/km²
głowny reprezentant stata:	prezident Teodoro Obiang Nguema Mbasogo
šef kněžaŕstwa:	premierminister Francisco Pascual Obama Asue
pjenjeze:	1 CFA-franc BEAC = 100 centimes
narodna hymna:	Caminemos Pisando la Senda de Nuestra Inmensa Felicidad
casowa cona:	UTC +1
znamje za wósobowe awta:	GQ
nastaśe:	12. oktobra 1968 (njewótwisnosć wót Špańskeje)
internetowa domena:	.gq
telefonowe pśedwólenje:	+240
	kórta:

Ekwatorialna Guineja (špański República de Guinea Ecuatorial, francojski République de Guinée équatoriale) jo mała njewótwisna republika pśi Atlantiskem oceanje w centralnej Africe. Granicujo z Kamerunom na pódpołnocy a z Gabunom na pódzajtšu a na pódpołdnju. Stolica jo město Malabo, kótarež se namaka na kupje Bioko w Atlantiku. Mě jo dostało kraj pó ekwatoru, kótaryž pak twarda zemja Ekwatorialneje Guineje direktnje njepśeběžyjo. Nejwětšy źěl teritorija lažy pódpołnocnje ekwatora, jano wótlažana kupa Annobón jo na pódpołdnjowej połkupje.

Na kupach kněžy tropiska, włožna klima z dešćowym casom w oktobrje. Nejwuše městno Ekwatorialneje Guineje jo Pico Basile (3.012 m) na głownej kupje Bioko.

Wótkaze

Commons: Ekwatorialna Guineja – Zběrka wobrazow, widejow a audio-datajow

Oficialne webstrony prezidenta

Staty a wótwisne kraje w Africe