Cher (departemento)

Ĉi tiu artikolo temas pri departemento. Por aliaj signifoj vidu la artikolon Cher.

Cher [ʃɛʁ] estas unu el la ses departementoj, kiuj formas la francan regionon Centro-Valo de Luaro. Ĝi estas 7 235 km² granda kaj havis 311 650 loĝantojn en la jaro 2013. La ĉefurbo de la departemento estas Bourges. Aliaj urboj estas Saint-Amand-Montrond kaj Vierzon. La departemento enhavas 287 komunumojn.

Cher
departemento de Francio
Administrado
Lando	Francio
Regiono	Centro-Valo de Luaro
Numero	18
Prefektejo	Bourges
Subprefektejoj	Saint-Amand-Montrond Vierzon
Statistikaĵoj
Loĝantaro	299 573 (2021)
Areo	7 235 km²
Loĝdenso	41 /km²
Subdividoj
Arondismentoj	3
Kantonoj	19
Komunumaroj	20
Komunumoj	290

Cher situas precize je la centro de Francio. Krom kelkaj montetoj, la teritorio de Cher estas grandparte ebena kaj kovrita de kampoj kaj arbaroj (tipaj pejzaĝoj de Sologne).

Arondismentoj

La departemento dividiĝas al tri arondismentoj:

• arondismento Bourges
• arondismento Saint-Amand-Montrond
• arondismento Vierzon

Ekonomio

Tiu departemento estas ĉefe kampara, Bourges estas la sola granda urbo kie koncentriĝas 23% de la loĝantaro kaj preskaŭ ĉiuj ekonomiaj aktivaĵoj.

Agrikulturo ludas grandan rolon: bredado de bovedoj kaj kultivado de cerealoj.

Heredaĵo

Cher ne posedas famajn vizitindaĵojn, tamen estas kelkaj belaj ekzemploj de mezepoka arkitekturo (Abatejo de Noirlac, vilaĝo Apremont-sur-Allier). La ĉefurbo Bourges estas ankaŭ belega urbo, kies katedralo estas en la listo de la Monda heredaĵo de UNESKO. Ĉiujare printempe okazas fama muzikfestivalo kiu allogas vizitantojn el la tuta lando, kaj eĉ el eksterlando.

Famaj personoj

• Maurice Rollinat
• Pastro Théophile Moreux

Vidu ankaŭ

• Komunumoj de Cher

Eksteraj ligiloj

• Departementa konsilio de Cher
• Prefektejo de Cher