Distrikto Karlsruhe
| Blazono | Mapo |
|---|---|
|
|
| Bazaj informoj | |
| Federacia lando: | Baden-Virtembergo |
| Distriktaro: | Karlsruhe |
| Regiona ligo: | Meza Supra Rejno |
| Administra sidejo: | Karlsruhe |
| Areo: | 1 084 km² |
| Loĝantoj: | 454 613 (fine de decembro 2022) |
| Loĝdenso: | 396 po km² |
| Aŭtokodo: | KA (Karlsruhe) |
| Oficiala kodo: | 08215 |
La distrikto Karlsruhe situas en la federacia lando Baden-Virtembergo de Germanio. Ĝia administra sidejo estas la samnoma urbo Karlsruhe, kiu tamen ne estas parto de la distrikta teritorio, sed en nordo, oriento kaj sudo estas ĉirkaŭata de ĝi. La distrikto estas parto de la distriktaro Karlsruhe kaj de la regiona ligo Meza Supra Rejno, krome ankaŭ de la translima Regiono Pamina.
La distrikto havas areon de 1 084 km², kaj fine de decembro 2022 ĝi havis 454 613 loĝantojn. Najbaras la distriktoj Rhein-Neckar norde, Heilbronn oriente, Enz sudoriente kaj kaj Calw kaj Rastatt - ĉiuj en Baden-Virtembergo sude. Okcidente, la rivero Rejno estas la natura limo al la najbara federacia lando Rejnlando-Palatinato: tie limas la distriktoj distrikto Rhein-Pfalz (Rejno-Palatinato) kaj Germersheim plus la eksterdistrikta urbo Speyer. Oriente de la Rejno, do en Baden-Virtembergo, la eksterdistrikta urbo Karlsruhe sur la mapo aspektas kvazaŭ kiel kojno ŝovita en la distriktan teritorion: ĝi dividas la distrikton al pli granda norda parto ĉirkaŭ la urboj Bruchsal kaj Bretten, kaj al pli eta suda parto ĉirkaŭ la urbo Ettlingen.
Partneraj regionoj
redaktiLa distrikto havas partnerajn rilatojn kun
la grafejo Gwent en Kimrio (Britio, ekde 1978, depost 1996 sekve de administra reformo kun la samlokaj novaj distriktoj Monmouthshire kaj Torfaen
la distrikto Döbeln en Saksio (Germanio), ekde 1990
la regiono Ŝa'ar HaNegev en Israelo, ekde 1992
Administra divido
redaktiLa distrikto konsistas el 32 komunumoj, el kiuj 9 estas urboj. En la sekva listo inter krampoj aldoniĝas la respektiva nombro de loĝantoj laŭ la stato fino de septembro 2006.
Urboj:
- Bretten (28.177)
- Bruchsal (43.194)
- Ettlingen (39.023)
- Kraichtal (14.905)
- Östringen (12.916)
- Philippsburg (12.578)
- Rheinstetten (20.297)
- Stutensee (23.323)
- Waghäusel (20.287)
Neurbaj komunumoj:
- Bad Schönborn (12.195)
- Dettenheim (6.705)
- Eggenstein-Leopoldshafen (15.281)
- Forst (7.543)
- Gondelsheim (3.190)
- Graben-Neudorf (11.687)
- Hambrücken (5.392)
- Karlsbad (16.136)
- Karlsdorf-Neuthard (9.580)
- Kronau (5.606)
- Kürnbach (2.424)
- Linkenheim-Hochstetten (11.726)
- Malsch (14.413)
- Marxzell (5.425)
- Oberderdingen (10.533)
- Oberhausen-Rheinhausen (9.551)
- Pfinztal (17.981)
- Sulzfeld (4.655)
- Ubstadt-Weiher (12.862)
- Waldbronn (12.234)
- Walzbachtal (9.064)
- Weingarten (9.659)
- Zaisenhausen (1.747)
Iuj urboj kaj/aŭ komunumoj interkonsentis kune oferti partojn de la publikaj servoj kadre de administraj komunumaroj. Tiuj grupigoj en la supra listo (laŭ la nuna stato) ne aparte listiĝas.
