Kakinada

Kakinada
urbo en Barato ; urbego ; setlejo vd
Administrado
Ŝtato	Barato
Subŝtato	Andra-Pradeŝo
Poŝtkodo	533001
Demografio
Loĝantaro	384 182 (2011) [+]
Loĝdenso	6 698 loĝ./km²
Geografio
Geografia situo	16° 56′ N, 82° 13′ O (mapo)16.93333333333382.216666666667Koordinatoj: 16° 56′ N, 82° 13′ O (mapo) [+]
Alto	1 m [+]
Areo	57,36 km² (5 736 ha) [+]
Horzono	UTC + 05:30
	Kakinada (Andra-Pradeŝo)
	Situo de Kakinada
	Kakinada (Barato)
	Situo de Kakinada
Alia projekto
	Vikimedia Komunejo Kakinada [+]
	v • d • r

Kakinada, laŭ telugua lingvo కాకినాడ aŭdu (antaŭe nomita Kakinandivada, Coringa, kaj Cocanada) estas planita, universitata kaj marhavena urbego, ankaŭ distrikta ĉefurbo de la samnoma distrikto Kakinada en subŝtato Andra-Pradeŝo, en sudorienta Barato. Ĝi estas la plej granda haveno de la subŝtato.

Larĝa panoramo pri universitato de Kakinada

Geografio

Kakinada situas en alteco 2 metrojn super la marnivelo (tamen areoj kuŝas sub la marnivelo) laŭ Bengala Golfo proksime de enfluanta rivero. Kanalo distranĉas la urbegon. Antaŭe insulo etendiĝas kiel bariero kontraŭ cunamoj kaj ŝtormoj, tamen ankaŭ turista loko. Visakhapatnam troviĝas 139, Hajderabado 403, Mumbajo 403, subŝtata ĉefurbo Amaravatio 552, Kolkato kaj tutlanda ĉefurbo Delhio po 895 kilometrojn (aere) [1].

Oficejo

Demografio

Laŭ la stato de 2011 en la urbo vivis 384 182 loĝantoj sur areo de 57,36 kvadrataj kilometroj, kio rezultigas loĝdenson de 6 698 loĝantoj/km² (kun la aglomaraĵo en 2011 estis 443 028). En la fruaj 1950-aj jaroj Kakanida atingis la internacian kvalifikon urbego (pli granda, ol cent mil).

Historio

Dum la frua kolonia periodo la Nederlanda Orienthinda Kompanio havis komercan stacion kun fortikaĵo konatan kiel Jaggernaikpoeram aŭ Jaggernaickpuram al la angloj. La britoj establis uzinon pri ŝipkonstruado en 1759, la loko iĝis ĉefhaveno sur tiu marbordo. Pro ŝtormoj la instalaĵoj estis detruitaj en 1787 (kaŭzante 20,000 mortojn) kaj denove en 1832 kaj 1839, poste la urbo estis rekonstruita laŭ urboplano en pli sendanĝera loko. En 1901 pro ŝlimiĝo ŝipoj jam ne venis, en 1905 la ŝipkonstruado plene ĉesis. En 1942 la japanoj bombardis, 2 ŝipoj neniiĝis.

Ekonomio

Ekonomio de Kakinada konsistas ĉefe de agrikulturo (kokosoj, rizoj), fiŝkaptado kaj industrioj (naftrafinadoj, teksaĵoj, sukerrafinadoj, artefaritaj sterkoj).

Eduko

En Kakinada universitato kaj altlernejoj funkcias.

Lingvoj

La oficiala lingvo de Kakinada estas la telugua lingvo.

Religioj

La ĉefa religio de Kakinada estas la hinduismo.

Klimato

Kakinada troviĝas en savanoklimato laŭ Klimata klasifiko de Köppen Aw/As. Jare pluvas averaĝe po 1117 mm. Inter junio-novembro pli ofte pluvas pro la musonoj. La averaĝa temperaturo varias inter 24-33 °C.

Boatoj en Kakinada

Trafiko

Al Kakinada kuras pluraj vojoj, enurbo ĉefe aŭtorikiŝoj trafikas. Por biciklantoj ekzistas planitaj biciklaj vojoj. La fervoja linio atingas la urbegon, estas apartaj stacioj por la urbo respektive al la haveno. Multaj homoj profitis la havenon por migri al diversaj sudorientaziaj landoj.

Vidindaĵoj

temploj
muzeo
tre longa strando
proksime mangrovoj

Fontoj

WikiTrans

Muzeo
Stacidomo
Templo

Portalo pri Barato