Klaipėda

Ĝemelurboj
	Sassnitz (2013–); Nov-Orleano (2012–); Aĥmeta (2011–); Odeso (2004–); Szczecin (2002–); Mannheim (2002–); Liepāja (1997–); North Tyneside (en) (1995–); Kotka (1994–); Gdynia (1993–); Kaliningrado (1993–2022); Klevlando (1992–); Lubeko (1990–); Kuji (en) (1989–); Debrecen (1989–); Karlskrona (1989–); Merido ; Leipzig ; Ĉingdaŭo ; Køge (en) ; Aktau vd

Klaipėda
urbo ; havenurbo ; urbego vd
Flago	Blazono
Administrado
Lando	Litovio
Distrikto	distrikto Klaipėda (formale ĝis 2010)
Komunumo	Urba komunumo Klaipėda
Ĝemelurboj
	Sassnitz (2013–); Nov-Orleano (2012–); Aĥmeta (2011–); Odeso (2004–); Szczecin (2002–); Mannheim (2002–); Liepāja (1997–); North Tyneside (en) (1995–); Kotka (1994–); Gdynia (1993–); Kaliningrado (1993–2022); Klevlando (1992–); Lubeko (1990–); Kuji (en) (1989–); Debrecen (1989–); Karlskrona (1989–); Merido ; Leipzig ; Ĉingdaŭo ; Køge (en) ; Aktau vd
Poŝtkodo	LT-91001
Telefonkodo	(+370) 46
En TTT	Oficiala retejo [+]
Demografio
Loĝantaro	158 420 (2023) [+]
Loĝdenso	1 617 loĝ./km²
Geografio
Geografia situo	55° 43′ N, 21° 8′ O (mapo)55.712521.135Koordinatoj: 55° 43′ N, 21° 8′ O (mapo) [+]
Alto	21 m [+]
Areo	98 km² (9 800 ha) [+]
Horzono	UTC+02:00 [+]
	Klaipėda (Litovio)
	Situo de Klaipėda
Alia projekto
	Vikimedia Komunejo Klaipėda [+]
	v • d • r

Por samtitola artikolo vidu la paĝon Klaipėda (stacidomo).

Klaipėda ( [ˈklaɪpeːda], ĵemajtie Klaipieda, historie germane Memel, estas la tria plej granda urbo de Litovio, situas ĉe la Balta Maro ĉe la loko, kie la Kurona Laguno, kiu elfluigas la akvon de la rivero Nemuno (germane same nomata Memel), havas sian solan trairejon al la maro. Klaipėda en 2021 havis 166 861 loĝantojn (2021)^[1] - en 2023 estis 158 420 - sur areo de 98 kvadrataj kilometroj, kio en 2023 rezultigis loĝdenson de 1 617 loĝantoj/km². Ĝi estas la ĉefa haveno de la lando, ĉar ĝi estas senglacia dum la tuta jaro. De la jaro 1995 ĝis la 1-a de julio 2010 ĝi estis la administra centro de samnoma distrikto.

Ĝis 1945 la urbo estis ĉefe konata per sia germana nomo Memel. Ekde sia fondiĝo dum la 12-a jarcento ĝis la jaro 1923, la urbo estis germanlingva kaj ankaŭ la tiea rivero nomiĝis Memel (vidu Memel-regiono). Eĉ nun, multaj litovlingvaj lokuloj ankoraŭ nomas la urbon memore al sia germana pasinteco Mėmelis, kaj multaj urbaj firmaoj, restoracioj, hoteloj kaj privataj posedaĵoj kiel lokaj jaĥtoj nomiĝas laŭ tiu nomo.^[2]

En litovia rangotabelo de la urba bonfara indekso kompilita en 2006, la urbo Klaipėda okupis la trian lokon^[3].

Historio

1252 – konstruo de la kastelo Memelburg fare de la ordeno de germanaj kavaliroj, surloke de la ligna
1254 – urborajtoj laŭ Lubeka juro
1323 – invado de litovaj trupoj de Gediminas, kun detruo de la urbo
1466–1657 – kune kun Duklando Prusio la urbo iĝis feŭdo de Krono de la Regno de Pollando
1475 – la urbo akiris Chełmno-juron
1525 – oni akceptis luteranismon
1540 – incendio detruis grandan parton de la urbo
1629–1635 – sveda okupado dum milito kontraŭ la Respubliko de Ambaŭ Nacioj
1672 – senkapigo de pola kolonelo Krystian Kalkstein-Stoliński
1701 – la urbo iĝis parto de Reĝlando Prusio
1709–1711 – granda epidemio de pesto
1757–1762 – rusa okupado dum la sepjara milito
1762 – reveno de la urbo al Prusio
1806–1807 – Memel iĝas provizora ĉefurbo de Prusio, ĉi tie kaŝiĝis kun la kortego imperiestro Frederiko Vilhelmo la 3-a
1871 – la urbo kune kun Prusio eniras al unuigita Germana Imperiestra Regno
1919–1923 – nome de la Ligo de Nacioj la urbon administris Francio
1920 – oni kreis polan Delegitaron ĉe Interalianca Komisiono, plenumantan diplomatiajn funkciojn
1923–1939 – kadre de sendependa Litovio (la ĉefurbo de Memel-regiono)
22-a de marto 1939 – aliĝo kune kun la Memel-regiono al la Tria Regno
1945 – aliĝo al Sovetunio (Litova Soveta Socialisma Respubliko)
de marto 1990 denove lime de sendependa Litovio
1991 – fondo de la Universitato de Klaipėda

la Universitato de Klaipėda

Geografio

Klaipėda situas 120 kilometrojn for de Kaliningrado (la ĝis 1945 germana urbo Königsberg) kaj 290 kilometroj for de Vilno. Plejparto de la urba teritorio situas sur la kontinento, nur la du fiŝistaj loĝlokoj Smiltynė (Sandkrug) kaj Kopgalis (Süderspitze) troveblas sur la Kurona duoninsulo, dividite de la Kurona laguno, kaj de la urbocentro nur atingeblas per pramo. En Kopgalis troviĝas la Nacia Mara Muzeo de Litovio, kiu estas la plej vizitata muzeo de la lando – granda ekspoziciejo en eksa fortikaĵo, delfinejo kaj subĉiela spaco kun historiaj ŝipoj kaj sesdoma etnografia fiŝista bieno.

Demografio

Etna strukturo (2011)

litovoj: 73,9%
rusoj: 19,6%
ukrainoj: 1,9%
belorusoj: 1,7%
poloj: 0,3%
aliaj: 2,6%

Aĝo-strukturo (2013)

jaroj 0–14 – 13,7%
jaroj 15–59 – 67,2%
jaroj 60+ – 19,1%

Konataj personoj

Simon Dach (1605–1659), germana poeto litovdevena, esperantigata
Georg Sauerwein (1831-1904), germana publicisto, lingvisto, pacifisto kaj humanista defendanto de minoritataj lingvoj
Tomas Venclova (1937), poeto, verkisto kaj tradukisto, kun esperantigita verko.
Raimundas Palaitis (1957), litova ekonomikisto kaj politikisto
Gitanas Nausėda (1964), prezidanto de Litovio
Ingrida Valinskienė (1966), kantistino, televida prezentistino, voĉaktorino kaj eksa politikistino.
Arūnas Sakalauskas (1952), skulptisto kies skulptaĵoj kiuj fariĝis simboloj de Klaipeda ornamas diversajn lokojn en la urbo^[4].

Partneraj urboj

Inter la partneraj/ĝemelaj urboj estas (en alfabeta ordo)^[5]

Ĉingdaŭo (Qingdao), Ĉinio, ekde 2004
Gdynia (Gdinio) en Pollando, ekde 1993
Debrecen, Hungario, ekde 1970/1989
Karlskrona, Svedio, ekde 1989
Kuĝi (久慈市), gubernio Ivato, Japanio, ekde 1989
Lubeko, Germanio, ekde 1990
Klevlando (Cleveland), Ohio, Usono, ekde 1992
Kotka, Finnlando, ekde 1994
Køge, Danio, ekde 1995
Lepsiko (Leipzig), Germanio, ekde 2002
Liepāja, Latvio, ekde 1997
Mannheim en Germanio, ekde 1915/2002
Merido (Mérida), Venezuelo, ekde 2010
Mersin, Turkio, konfirmita en 2022
Norda Tyne-distrikto (North Tyneside), Britio, ekde 1995
Odeso, Ukrainio, ekde 2004
Rügen, Germanio, ekde 1993
Ŝtetino (Szczecin), Pollando, ekde 2002

Ĝis marto 2022 ankaŭ estis ĝemelaj rilatoj kun:^[6]

Ĉerepoveco, Rusio, ekde 1992
Kaliningrado, Rusio, ekde 1993
Mahiljoŭ, Belorusio, ekde 1997

Aldone la urbo havas proksimajn rilatojn kun la portugala urbo Porto.

Amaskomunikiloj

TV-kanalo estas Klaipeda TV, Balticum TV kaj la kanalo Balticum Gold.

Kulturo

La someraj ferioj tre gravas por la urba ekonomio kaj allogas multajn gastojn el Litovio kaj eksterlando pro ekzemple la urba Ŝipa Parado, la Internacia Korusa Konkurso Stasys Šimkus, la Litova Okcidentregiona Kantofestivalo aŭ la Mara Festivalo.

"Gvidantoj" (A. Sakalauskas, 1983) surbaze de la pentraĵoj de M.Čiurlionis "Inundo" kaj "La Rakonto de Reĝoj"

la urba skulpta parko

Urba Skulpta Parko

Ankaŭ konata kiel la Skulpta Parko Martynas Mažvydas ĉi tiu parko estas unu el la ĉefaj artaj famaĵoj en la urbo. La L-forma parko okupas 12,2 hektarojn kaj montras 116 modernajn skulptaĵojn kreitajn de 67 litovaj artistoj inter 1977 kaj 1991^[7].

Centro por Naciaj Kulturoj

Inter la vidindaĵoj menciindas ankaŭ la Centro por Naciaj Kulturoj (litove: Tautinių kultūrų centras), malfermita en 2012. La institucio kreskigas la interkulturan kaj nacian toleremon de loĝantoj de Klaipėda kaj la multkulturajn tradiciojn de la multnacia urbo, kaj celas krei civilan socion. Ĝi ankaŭ organizas kursojn pri litova lingvo. Diversaj eventoj okazas en la Centro de Naciaj Kulturoj - ekspozicioj, legadoj de diversaj literaturoj en diversaj lingvoj, koncertoj, seminarioj, filmaj projekcioj, naciaj kulturaj tagoj.

Esperanto

Litova Esperanto-Asocio (LEA) okazigis la 56-an Baltian Esperanto-Tagon (BET) en Klaipėda de la 9-a ĝis la 17-a de julio 2022^[8] kiu okazis en la universitato de Klaipėda. Por atingi la urbon el Vilno ekzistas interalie unuaklasaj kaj duaklasaj rapidtrajnoj sur la itinero Klaipeda - Vilno. Altrapidaj persontrajnoj de Klaipeda povas krom al Vilno, ankaŭ iri ankaŭ al Kretinga, Plungė, Telšiai, Šiauliai, Radviliškis, Kėdainiai, Jonava, Kaišiadorys kaj en la suda direkto al Priekulė kaj Šilutė. Krome ekzistas densa reto de interregionaj busaj konektoj al interalie Kaŭno kaj Vilno en sudoriento kaj Palanga en la nordo. Kaj ĉe Palanga estas ankaŭ flughaveno kun regulaj flugoj interalie de Germanio kaj Britio.

Vidu ankaŭ

Klaipėda en la Vikimedia Komunejo (Multrimedaj datumoj)
Kategorio Klaipėda en la Vikimedia Komunejo (Multrimedaj datumoj)

Ekstera ligilo

Oficiala retejo (litove kaj angle)

Referencoj

↑ (lt) Statistikoj
↑ https://archive.ph/2016.08.04-000208/http://www.ve.lt/naujienos/kultura/kultura/memelis-ar-klaipeda-1481368/ artikolo Mėmelis ar Klaipėda? (litove: "Ĉu Mėmelis aŭ Klaipėda?" de la 2-a de aŭgusto 2916] en la regiona gazeto Vakarų ekspresas ("okcidenta ekspreso")
↑ (lt) „Savivaldybių gerovės indeksas: geriausia gyventi Neringoje, blogiausia – Ignalinos rajone“. vz.lt, la 11-an de decembro 2019.
↑ (lt) Žiemytė, Ivona. La identaj signoj de la Skulpta Parko fariĝas pli elstaraj. // "Okcidenta Ekspreso", la 21-an de marto 2013.
↑ "Partneraj urboj". klaipeda.lt. Klaipėda (litove)
↑ Nutrauktas bendradarbiavimas su Rusijos ir Baltarusijos miestais (litove) (1-a de marto 2022). Arkivita el la originalo je 7 March 2022. Alirita 1-a de aprilo 2022 .
↑ Parko skulptūros, pri 116 parkaj skulptaĵoj (litove)
↑ BET denove okazos en Litovio!, La Ondo de Esperanto, la 27-an de julio 2021 (esperante)

[1] (lt) Statistikoj

[2] ttps://archive.ph/2016.08.04-000208/http://www.ve.lt/naujienos/kultura/kultura/memelis-ar-klaipeda-1481368/ artikolo Mėmelis ar Klaipėda? (litove: "Ĉu Mėmelis aŭ Klaipėda?" de la 2-a de aŭgusto 2916] en la regiona gazeto Vakarų ekspresas ("okcidenta ekspreso")

[3] (lt) „Savivaldybių gerovės indeksas: geriausia gyventi Neringoje, blogiausia – Ignalinos rajone“. vz.lt, la 11-an de decembro 2019.

[4] (lt) Žiemytė, Ivona. La identaj signoj de la Skulpta Parko fariĝas pli elstaraj. // "Okcidenta Ekspreso", la 21-an de marto 2013.

[5] "Partneraj urboj". klaipeda.lt. Klaipėda (litove)

[6] Nutrauktas bendradarbiavimas su Rusijos ir Baltarusijos miestais (litove) (1-a de marto 2022). Arkivita el la originalo je 7 March 2022. Alirita 1-a de aprilo 2022 .

[7] Parko skulptūros, pri 116 parkaj skulptaĵoj (litove)

[8] BET denove okazos en Litovio!, La Ondo de Esperanto, la 27-an de julio 2021 (esperante)

[1]

[2]

[3]

[4]

[5]

[6]

[7]

[8]