Manĉurio

Manĉurio, Manĉurujo aŭ Manĝurio (满洲 Mănzhōu) situas en Nord-Orienta Ĉinio, ĉirkaŭ la urbo Harbin kaj entenas la provincojn Heilongjiang, Jilin kaj Liaoning. Pro historiaj kaŭzoj, la ĉinoj ne preferas tiun nocion, ili pli volonte uzas la terminon Nord-Oriento (东北/東北 Dōngběi). Manĉurio estis okupita en 1931 fare de Japanio, kiu establis la pupŝtaton Manĉuko aŭ Manĉukuo en 1932. Tiu okupado estis kondamnita fare de Usono per Hoover-Stimson-Doktrino. Post kiam la teritorion okupis en 1945 la Sovetunio, la teritorio transiris en 1946 al Ĉinio.

Manĉurio
Regiono
historia regiono [+]
Lando	Ĉinio
- koordinatoj	45° 0′ 0″ N, 125° 0′ 0″ O (mapo)45125
Manĉurio (Tero)
Manĉurio (Ĉinio) DEC
Manĉurio
Vikimedia Komunejo:  Manchuria [+]

Manĉurio, Manĉurujo aŭ Manĝurio aŭ Mandĵurujo (ruĝ-kolore) sur la mapo de Ĉinio

La areon limas oriente la rivero Amuro kaj Ussuri, norde la Ĥingan-montaro, okcidente la Ĉina Muro kaj sude la rivero Jalu. Norde kaj oriente limas ĝin Rusio (Siberio), okcidente Mongolio kaj sude Nord-Koreio.

La nocio «Manĉurio» estas relative nova kaj derivita el la loka tunguza popolo manĉuoj.

Gravaj urboj

Mapo de Manĉurio

• Changchun (长春/長春)
• Dalian (大连/大連)
• Fushun (撫順)
• Harbin (哈尔滨/哈爾濱)
• Ĝjilin (吉林)
• Qiqihar (齐齐哈尔/齊齊哈爾)
• Shenyang (沈阳/瀋陽)

Gravaj riveroj

• Amuro (黑龙江/黑龍江 Hēilóngjiāng)
• Songhua (松花)
• Liao

Trafiko

Tra Manĉurio kondukas la Transmanĉuria fervojo, flanka branĉo de Transsiberia fervojo.

Sur la itinero Dalian - Changchun komunikis inter 1934-1945 (dum la japana okupo) la legenda eksprestrajno Ajia (vidu Ŝinkansen).

Loka Esperanto

• Esperanto en Liaoningo: Ekzistas en tiu provinco la Liao­ning-provinca Esperanto-Asocio (LEA), kiu utiligas du platformonjn: la Liaoninga Esplora Centro pri Edukado kaj Kulturo de Esperanto en la Orienta Liaoning-Universitato kaj la Liaoninga Esplora Bazo de Esperanto en Shenyang-Universitato
• Esperanto en Ĝilino: Ĝjilina Esperanto-Instituto kaj Ĉangĉuna Esperanto-Asocio

Vidu ankaŭ

• Manĉura lingvo
• Qing-dinastio
• Manĉukuo
• Liaŭningo
• Qing-Dinastio
• Manĉuko
• Heilongjiang
• Ĝilino
• Ĉangĉuno
• Soveta invado de Manĉurio