Monda Festivalo de Esperanto

Monda Festivalo de Esperanto (MondaFest' 2020) estas internacia tutmonda festivalo organizata de Universala Esperanto-Asocio (UEA), tutsezone, ekde la 20-a de junio ĝis la 20-a de septembro 2020. Kadre de MondaFest' 2020 okazos la Virtuala Kongreso de Esperanto, krom aliaj aranĝoj, kiujn ĉiu esperantisto rajtas proponi kaj submeti al la aprobo de la organizantoj.

Konkurso

Konkurso por elekto de emblemo de la evento estis lanĉita de UEA. La premio estas senpaga aliĝo al Universala Kongreso en 2021 aŭ 2022 kaj unu-jara membreco en UEA, se la gajninto ne estas membro.

Programo

Inaŭguro

La inaŭguro pasis la 20an de junio kaj havis la sekvantajn programerojn:

• Muzika antaŭludo: Fransoazo Oazo kaj Kriztoff
• Inaŭgura Festparolado: Duncan Charters, Prezidanto de UEA
• Parolado nome de familio Zamenhof: Margaret Zaleski-Zamenhof
• 1-a Muzika interludo: JoMo
• Festivala temo: "UN 75-jara: dialogo kaj interkompreniĝo en ŝanĝiĝanta mondo"
• Inaŭgura Parolado de la Temo: Humphrey Tonkin
• Mesaĝo pri la Temo, nome de UEA: Sara Spanò
• Mesaĝo pri la Temo, nome de TEJO: Rakoen Maertens
• Salutmesaĝo de UN: Fabrizio Hochschild, Asista Ĝenerala Sekretario de UN
• Mesaĝo de Espero, “Ĉio iros bone”: LKK de Montrealo
• 2-a Muzika interludo: Manno Montanna
• Fermaj vortoj de la Inaŭguro: Orlando Raola, Estrarano de UEA pri Kulturo kaj Kongresoj
• Muzika postludo: Joel Muhire, Amira Chun

Aranĝoj

Dum MondaFest' okazos jenaj aranĝoj:

• NASK 2020
• Internacia Junulara Kongreso 2020
• Somera Esperanto-Studado 2020
• Somera Esperanto-Programado 2020
• 53-a Virtuala Esperanto-Konferenco ILEI 2020
• Virtuala Kongreso de Esperanto

Eksteraj ligiloj

• Oficiala retejo
• Ĝisdata programo troveblas en retejo de Eventa Servo