Rik Daems
Hendrik (Rik) DAEMS (18-a de aŭgusto 1959) estas flandra politikisto kaj membro de la ĉambro de reprezentantoj por la liberala partio Vlaamse Liberalen en Democraten (VLD). Li studis Komercan Inĝenieradon en la lernejo por Surmerkatigo Solvay. Post liaj studoj li dum du jaroj laboris kiel asocia spertulo por la "Central American Institute for Public Administration" en Kostariko, anstataŭ servi en la armeo.
| Rik Daems | |||||
|---|---|---|---|---|---|
| |||||
| Persona informo | |||||
| Naskiĝo | 18-an de aŭgusto 1959 (65-jaraĝa) en Aarschot | ||||
| Lingvoj | nederlanda vd | ||||
| Ŝtataneco | Belgio  vd
| ||||
| Alma mater | Libera Universitato de Bruselo (1834-1969) vd
| ||||
| Partio | Open Vlaamse Liberalen en Democraten vd
| ||||
| Familio | |||||
| Edz(in)o | Sophie Pécriaux vd
| ||||
| Profesio | |||||
| Okupo | politikisto artisto vd
| ||||
| |||||
| |||||
| vd | Fonto: Vikidatumoj | ||||
Ekde 1980 li iĝis la administranto de la vinkompanio "Daems & Zonen". Li ankaŭ administris artan kompanion, per kiu li vendis siajn proprajn pentraĵojn.
En 1987 li elektiĝis kiel popolreprezentanton kaj en tiu sama jaro li iĝis la vicprezidanto de la politika partio VLD. Li estis urbestro de la urbo Aarschot de 1985 ĝis 1994, postsekvinte sian patron Jos Daems.
Por la balotoj de 1999 Daems transloĝiĝis al Loveno. En 1999 li iĝis Ministro pri Telekomunikado kaj Publikaj Kompanioj. Dum li respondecis pri publikaj kompanioj, la granda flugkompanio Sabena bankrotis, kaj multaj homoj kritikis Daems ke li ne sufiĉe provis tion eviti.
En 2003 la ministra posteno de Daems ne estis renovigita. Li iĝis respondeculo por la partio VLD ene de la Ĉambro por Reprezentantoj, kaj membro de la urba konsilio en Loveno.
Je la 10-a de januaro 2006 Daems demisiis kiel respondeculo por la partio VLD, ĉar evidentiĝis ke li havas rilaton kun Sophie Pécriaux, membro de la franclingva socialisma partio PS. Ŝi estis graveda de li.