Karmravor
Karmravor (armene: Կարմրաւոր Եկեղեցի; signifante "ruĝeta" pro la koloro de ĝia kupolo) aŭ Surb Astvacacin (Sankta Dipatrino) estas armena preĝejo de la 7-a jarcento konstruita de la pastroj Gregorio kaj Manas. La preĝejo situas en la nordorienta flanko de la urbo Aŝtarako en Aragacotno, Armenio.
Laŭ legendo, tri fratinoj vivis en Aŝtarako, ili tri enamiĝis al la sama viro, la princo Sargis. La du pli aĝaj fratinoj decidis sinmortigi sin favore de la plej juna. Unu portanta abrikot-koloran robon kaj la alia uzante ruĝan robon, ili ĵetis sin ĉe la gorĝo de monto. Kiam la plej juna fratino vidis tion, ŝi surmetis blankan robon kaj ankaŭ ĵetis sin en la gorĝo. Tial Sargis iĝis ermito kaj tri malgrandaj preĝejoj ekaperis ĉe la limo de la gorĝo, nomita laŭ la robkoloroj de la fratinoj.
Aliaj preĝejoj de simila stilo atribuitaj al la 6-a aŭ 7-a jarcento estas Sankta Marine de Artik, Lmbatavank, la katedralo de Talin kaj Surp Astvatsatsin de Voskepar.