Saloma
| Saloma | |
|---|---|
| Biblia persono | |
| |
| homa biblia persono | |
| Informoj | |
| Sekso | ina |
| Gefratoj | Maria, patrino de Jesuo • Maria de Klopas |
| Edzo/Edzino | Zebedeo |
| Infanoj | Jakobo la pli aĝa • Johano la Apostolo |
Salomeo laŭ PIV aŭ Saloma (kaj ankaŭ Maria Saloma) estis disĉiplino de Jesuo. Temas pri la patrino de la filoj de Zebedeo (Mateo 20,20; 27,56) nome Jakobo la pli aĝa kaj Sankta Johano la Evangeliisto (Marko 3,17). La Evangelio laŭ Mateo memorigas ke ŝi petis, al Jesuo, ke tiu ĉi sidigu ŝiajn filojn ĉe siaj dekstro kaj maldekstro.
En la evangelia rakontaro
Surbaze de tio dirita en la Evangelio laŭ Mateo, Saloma, sur la vojo al Jerusalemo petis de Jesuo: «20 Tiam venis al li la patrino de la filoj de Zebedeo, kun siaj filoj, adorkliniĝante kaj farante al li peton. 21 Li diris al ŝi: Kion vi volas? Ŝi diris al li: Ordonu, ke ĉi tiuj miaj du filoj povu sidi, unu dekstre de vi kaj la dua maldekstre, en via regno.» (Mateo 20,20-24).
Saloma, kune kun Maria patrino de Jakobo la pli juna kaj kun Maria Magdala, estis unu el la virinoj ĉeestantaj la Krucumon de Jesuo (Marko 15,40; Mateo 27,56); ili estas tradicie indikataj kiel la "Tri Mariaj". Kune la paskan matenon ili iris al la tombo de Jesuo konstatante lian resurekton. «Kaj Maria Magdalena, kaj Maria, la patrino de Joses, vidis, kien oni metis lin» (Marko 15,47). «Kaj kiam la sabato jam pasis, Maria Magdalena, kaj Maria, la patrino de Jakobo, kaj Saloma aĉetis aromaĵojn, por ke ili iru kaj ŝmiru lin» (Marko 16,1). Ili estis la unuaj ricevantoj de la anonco de la resurekto.
La sinoptika ekzameno de la Evangelio laŭ Mateo (27,56) kaj de la Evangelio laŭ Marko (15,40), kiu kiel la Evangelio laŭ Johano (9,25) rakontas pri la virinoj ĉeestatantaj la pasionon de Jesuo, enkondukas al la identigo de Saloma kiel la patrino de la filoj de Zebedeo.
| Evangelio laŭ Mateo | Evangelio laŭ Marko | Evangelio laŭ Luko | Evangelio laŭ Johano | |
|---|---|---|---|---|
| Krucumo | 55 Kaj tie estis multaj virinoj, rigardantaj de malproksime, kiuj sekvis Jesuon el Galileo, servante al li; 56 inter kiuj estis Maria Magdalena, kaj Maria, la patrino de Jakobo kaj de Joses, kaj la patrino de la filoj de Zebedeo. (Mateo 27,55-56) | Estis ankaŭ virinoj, rigardantaj de malproksime, inter kiuj estis Maria Magdalena, kaj Maria, la patrino de Jakobo la malgranda kaj de Joses, kaj Saloma (Marko 15.409 | Kaj ĉiuj liaj konantoj, kaj la virinoj, kiuj sekvis lin el Galileo, staris malproksime, vidante tion. (Luko 23,49) | Sed apud la kruco de Jesuo staris lia patrino, kaj la fratino de lia patrino, Maria, la edzino de Klopas, Maria Magdalena.(Jo 19,25) |
| Resurekto | Kaj sabate malfrue, kiam eklumis por la unua tago de la semajno, venis Maria Magdalena kaj la alia Maria, por vidi la tombon. (Mateo 28,1) | Kaj kiam la sabato jam pasis, Maria Magdalena, kaj Maria, la patrino de Jakobo, kaj Saloma aĉetis aromaĵojn, por ke ili iru kaj ŝmiru lin. 2 Kaj tre frue en la unua tago de la semajno ili venis al la tombo, kiam la suno ĵus leviĝis. (Marko 16,1-2) | Kaj la unuan tagon de la semajno, ĉe frua tagiĝo, ili venis al la tombo, alportante la aromaĵojn, kiujn ili preparis. 2 Kaj ili trovis la ŝtonon derulita for de la tombo… Kaj ili estis Maria Magdalena, kaj Johana, kaj Maria, la patrino de Jakobo; kaj la ceteraj virinoj kun ili rakontis tion al la apostoloj. (Luko 20,1-10) | La unuan tagon de la semajno Maria Magdalena venis frue, dum estis ankoraŭ mallume, al la tombo, kaj vidis la ŝtonon prenita for de la tombo. (Johano 20,1) |
En la apokrifaj evangelioj
.jpg)
Saloma aperas en la apokrifa Evangelio laŭ Jakobo en la rolo de akuŝistino dum la naskiĝo de Jesuo, kaj estas regule prezentita tia en la kristana orienta arto dum emas maleperis en la okcidenta kristana arto. Saloma estas klare malsama el la "akuŝtino" en la samtipa evangelio atribuata al Jakobo la Justulo serĉata de Jozefo.
[19,3] Elirinte el la groto la akuŝistino renkontiĝis kun Saloma, kaj al ŝi diris: Saloma, Saloma! Mi havas neniam antaŭ aŭditan miraklon rakontendan al vi: virgo akuŝis, kio ne povas okazi en naturo. Respondis Saloma: "Kiam veras ke vivas la Sinjoro, se mi ne metos la fingron kaj ne ekzamenos tion, mi ne kredos ke virgo akuŝis".
Kaj ŝi ekzamenis sed ŝia fingron ankiloziĝis!
Sinsekvaj tradicioj
Tute senfundamenta tradicio volus ke post la morto de Jesuo, la tri Mariaj estis enboatigitaj en senvela kaj senremila ŝipo kiu atingus, gvidita de la Providenco, la bordojn de la Provenco.
Kulto
Ŝia liturgia memoro okazas la 22-an de oktobro en la Katolika Eklezio. Oni veneras opiniatajn restaĵon de ŝia korpo en la katedralo de Veroli al ŝi dediĉita.
Notoj
Vidu ankaŭ
Aliaj projektoj
KOMUNEJO: [1]
Eksteraj ligiloj
- Sankta Saloma en la katedralo de Veroli Arkivigite je 2009-02-11 per la retarkivo Wayback Machine