Priŝtino

	Priŝtino
	serbe Приштина, albane Prishtinë, angle Pristina
	urbo
	Oficiala nomo: Prishtinë
Lando	Kosovo
Duoninsulo	Balkano
Distrikto	Distrikto Priŝtino
Historiaj regionoj	4
Situo	Priŝtino
- alteco	652 m s. m.
- koordinatoj	42° 40′ 00″ N 21° 10′ 00″ O / 42.66667 °N, 21.16667 °O (mapo)
Areo	854,0 km² (85 400 ha)
Loĝantaro	198 214 (2011)
Denseco	232,1 loĝ./km²
Horzono	MET (UTC+1)
- somera tempo	MET (UTC+2)
Poŝtkodo	10000
Telefona antaŭkodo	(+381) 038
	Situo enkadre de Kosovo Situo enkadre de Kosovo
	Situo enkadre de Eŭropo Situo enkadre de Eŭropo
	Vikimedia Komunejo: Priština
	Retpaĝo: www.prishtina-komuna.org

Reviziita versio de ĉi tiu paĝo, aprobita je 5 nov. 2024, estis bazita sur ĉi tiu versio.

Koordinatoj: 42° 40′ 00″ N 21° 10′ 00″ O / 42.66667 °N, 21.16667 °O (mapo)

Priŝtino aŭ Priŝtina (serbe Приштина, Priština; albane Prishtina aŭ Prishtinë) estas ĉefurbo, politika, ekonomia, kultura centro kaj la plej granda urbo de Kosovo. Laŭ pritaksoj, 550—600 mil personoj loĝas en la urbo nun, plejparte etnaj albanoj (minoritate serboj, bosnoj kaj ciganoj).

En Priŝtino troviĝas la sidejo de UNMIK, OSKE-misio en Kosovo kaj la ĉefaj organoj de la portempa urbestraro kiel parlamento, registaro kaj prezidento de Kosovo.

Historio

Komence la romianoj havis urbon 15 km de urbocentro de Priŝtino, kiu baldaŭe iĝis la unua rezidurbo de diversaj serbaj reĝoj. En la 28-an de junio 1389 la turka armeo venkis la serban armeon, sekve la nova serba ĉefurbo iĝis Smederevo ĝis 1459. Dum la Osmana Imperio la urbo restis grava administrejo. En la 1880-aj jaroj la fervoja linio atingis la urbon, kiu portis prosperon. En 1912 la serboj reakiris la urbon, sed dum la 1-a mondmilito Aŭstrio-Hungario okupis ĝin. Ekde 1918 la urbo apartenis al la estonta Jugoslavio. Dum la 2-a mondmilito albanoj kaj italoj regis en Priŝtino, ekde 1943 anstataŭ italoj germanoj regadis ĝis alveno de jugoslaviaj partizanoj.