Friedrich Strauß

Friedrich Strauß
Persona informo
Naskiĝo	24-an de septembro 1786 (1786-09-24) en Iserlohn
Morto	19-an de julio 1863 (1863-07-19) (76-jaraĝa) en Berlino
Lingvoj	germana
Ŝtataneco	Germanio
Okupo
Okupo	teologo universitata instruisto

Gerhard Friedrich Abraham STRAUSZ (naskiĝinta la 24-an de septembro 1786 en Iserlohn; mortinta la 19-an de aprilo 1863 en Berlino) estis prusa kortegpredikisto kaj profesoro pri praktika teologio.

Vivo

Estante filo de pastoro li studis inter 1805 kaj 1808 en Halle (Saale) kaj Heidelberg teologion. En Halle li aniĝis al la studenta korporacio Corps Guestphalia Halle Dum la studentaj jaroj li ekkonis la postan profesoron August Neander. Kun Otto von Loeben („Isidorus Orientalis“), Joseph von Eichendorff („Florens“) kaj Wilhelm Budde („Astralis“) li unuiĝis en la romantikisma societo Eleusischer Bund.

Inter 1809 kaj 1814 Strauß paroĥestris ĉe la luteranoj de Ronsdorf (Wuppertal), pli malfrue je Elberfeld. Tie ĉi estiĝis lia ĉefverko en kvar volumoj Glockentöne. En 1816 li edzinigis Johanna von der Heydt, filino de urbestro kaj fratino de posta prusia ministro. En 1822 Strauß iĝis kvara katedrala kaj kortega predikisto ĉe la prusa kortego je Berlino kaj profesoro pri praktika teologio ĉe Berlina universitato. En 1824 li kunfondis la misian klubon Berliner Missionsgesellschaft. En 1833/34 li rektoris altlerneje, en 1836 li fariĝis spirita konsilisto en la ministerio pri edukado.

Post la surtronigo de la pia reĝo Frederiko Vilhelmo la 4-a, Strauß povis eĉ plifortigi sian influon ĉekortegan. Dum la revolucio de 1848 Strauß konvinkis la reĝon esti cedema. En 1850 Straŭß ek-anis en al malnovprusia supera konsistorio; supera predikisteco venis en la 1856-a jaro.

Liaj filoj ankaŭ teologe karieris: Friedrich Adolf Strauß (fondinto de la misia organizo Jerusalemsverein) kaj Otto Strauß (superintendanto).

Verkoj

• Glockentöne – Erinnerungen aus dem Leben eines jungen Geistlichen, 4 volumoj. Heinrich Büschler, Elberfeld 1815–1819.
• Helons Wallfahrt nach Jerusalem – Hundertneun Jahre vor der Geburt unseres Herrn. 4 volumoj, Heinrich Büschler, Elberfeld 1820.
• Die Taufe im Jordan – Aus dem zweiten Jahrhundert der christlichen Kirche. 1822.
• Das evangelische Kirchenjahr in seinem Zusammenhange dargestellt. 1850.
• Abend-Glocken-Töne – Erinnerungen eines alten Geistlichen aus seinem Leben. Haupt-Verein für christliche Erbauungsschriften in den Preußischen Staaten, Berlin 1868 (postmorte).

Eksteraj ligiloj

• Art. „Strauß, Gerhard Friedrich Abraham“ fare de Gustav Frank. Ĉe: Allgemeine Deutsche Biographie, volumo 36 (1893), p. 532–534 (tie ĉi interrete)
• prezento de iamaj rektoroj universitataj Arkivigite je 2015-04-17 per la retarkivo Wayback Machine - paĝaro de HU-Berlin
• Friedhelm Groth: Der Iserlohner Pfarrerssohn Gerhard Friedrich Abraham Strauß (1786–1863) und sein Weg zum preußischen Hof- und Domprediger und Professor für Praktische Theologie in Berlin – prelego [1] kun bildoj el PDF-datumaro [2]
• Informoj pri Friedrich Strauß en katalogo de la Germana Nacia Biblioteko (germane)