Marburg

Marburg
ĉefurbo de distrikto en Germanio urbo kun aparta statuso Luterurbo universitata urbo urba komunumo de Germanio vd
Blazono
Administrado
Ĝemelurboj Sibiu Mariboro Eisenach Poitiers Sfakso Northampton vd
Poŝtkodoj 35037 • 35039 • 35041 • 35043 vd
En TTT	Oficiala retejo [+]
Demografio
Loĝantaro	78 203  (2023) [+]
Loĝdenso	631 loĝ./km²
Geografio
Geografia situo	50° 49′ N, 8° 46′ O (mapo)50.8166666666678.7666666666667 [+]
Alto	186 m [+]
Areo	123,91 km² (12 391 ha) [+]
Horzono	UTC+01:00 [+]
Marburg (Germanio) DEC Situo de Marburg
Alia projekto
Vikimedia Komunejo Marburg, Germany [+]

La marburga kastelo

Panoramo al Marburg de la kastelo

Marburg [maburk], en Esperanto foje Marburgo estas pitoreska germana urbo apud la rivero Lahn - en la federacia lando Hesio kaj ties distriktaro Gießen. La urbo estas la administra centro de la distrikto Marburg-Biedenkopf. Laŭ la stato de 2023 en la komunumo vivis 78 203 loĝantoj sur areo de 123,91 kvadrataj kilometroj, kio rezultigas loĝdenson de 631 loĝantoj/km². La teritorio havas komunan limon kun Cölbe, Kirchhain, Ebsdorfergrund, Weimar, Gladenbach, Dautphetal kaj Lahntal. La loka esperantistaro ĉiujare okazigas la renkontiĝon KISO.

Ĉiujare, aŭtune kaj printempe, pasas super la regiono dekmiloj da gruoj en sia migradvojo inter Svedio kaj Hispanio (pri tio vidu ankaŭ Der kaj Ekstremaduro).

Iom da statistiko

Situo: 50°49’ NO, 8°.46’ OR
Alteco: averaĝe 180 m super la marnivelo
Horzono: GMT+1h (+2h de aprilo ĝis oktobro)

Vidindaĵoj

Elizabeta preĝejo

• Elizabeta preĝejo (preĝejo el la 13-a jarcento)
• Mineralogisches Museum (mineralogia muzeo)
• Universitato (fondita en la jaro 1527)
• Kastelo (13-a ĝis 15-a jarcento)

Famaj personoj rilataj al Marburg

• Sankta Elizabeto de Hungario - patronino de la urbo
• Emil von Behring - Nobel-premiito pri medicino
• Gottfried Benn - poeto, precipe lirikisto
• la Fratoj Grimm
• Filipo la 1-a (Hesio), landgrafo
• Miĥail Lomonosov
• Eobanus Hessus
• Adolf Krause, pentristo
• Boris Pasternak - rusa poeto, Nobel-premiito
• Carl Robert, klasika filologo
• Alfred Wegener - kreinto de la teorio pri la moviĝo de la kontinentoj, de la platotektoniko
• Christian Wolff - (1679 - 1754) profesoro, kreis la bazon de la germanlingva filozofia terminologio
• Paul von Hindenburg - en la preĝejo de Sankta Elizabeta troviĝas la tombo de la prezidento de Vajmara Respubliko
• Anton Bauer, juristo
• Hartmut Bobzin, orientalisto

Partneraj urboj

• Poitiers (Francio), ekde 1961
• Maribor (Slovenio), ekde 1969
• Sfakso (Tunizio), ekde 1971
• Eisenach (Germanio, Turingio), ekde 1988
• Northampton (Britio) ekde 1992
• Sibiu (Rumanio), ekde 2005

Esperanto en Marburg

GEJ-Gazeto 5 1987 pri KISO Marburgo

Estante universitata urbo, Marburg jam frue dum la 20-a jarcento havis Esperanto-grupon. El inter la movadaj eventoj en la urbo ekzemple menciiĝu, ke en majo 1954 la 32-a Germana Esperanto-Kongreso okazis en la urbo. 15 jarojn pli poste, inter la 27-a de decembro 1969 kaj la 3-a de januaro 1970 la 13-a Internacia Seminario de Germana Esperanto-Junularo okazis en Marburg kaj pritraktis la temon "Tendencoj en la literaturo de nia epoko". Proksime de Marburg, en Wetzlar, ankaŭ okazis la Internaciaj Seminarioj de 1984/1985, 1995/1996, 1999/2000 kaj 2004/2005. Regula movada evento en Marburg ĉiujare dum junio estas la jam supre menciita Kafoklaĉa Internacia Somera Renkontiĝo (KISO).

Esperantistoj en Marburgo
Esperantistoj el Marburgo, kiuj havas propran vikipedian biografian artikolon, estas interalie Helmut Welger kaj Edlyn Teske, sed ekde la 1980-aj jaroj dum pli ol 40 jaroj aparte gravas la loka movada motoro Gunter Neue, kvankam sen propra vikipedia biografio.

Eksteraj ligiloj

• Oficiala retejo (germane)
• paĝoj de la urba universitato, germanlingvaj