Germana nacia teamo de futbalo

Germanio
asocio	Deutscher Fußball-Bund ; Germana Futbal-Asocio
konfederacio	UEFA
manaĝero	Julian Nagelsmann (ekde septembro 2023)
golreĝo	Gerd Müller (68)
FIFA kodo	GER
unua matĉo	Svislando 5-3 ; Germanio ; 1908
plej granda gajno	Germanio 16-0 ; Rusio ; 1912
plej granda perdo	Anglio 9-0 ; Germanio ; 1909
Futbala Mondpokalo
aperoj	18 (unua en 1934)
plej bona rezulto	Ĉampiono ; 1954, 1974, 1990, 2014
Eŭropa Futbal-Ĉampionado
aperoj	11 (unua en 1972)
plej bona rezulto	Ĉampiono ; 1972, 1980 kaj 1996
	v • d • r

Tiu ĉi artikolo traktas la viran futbalistan nacian teamon de Germanio. Aparte de tio ankaŭ ekzistas naciaj teamoj por virinoj, kaj por viraj kaj virinaj adoleskuloj de malpli ol 18 jaroj.

La germana nacia teamo de futbalo estas inter la plej sukcesaj en historio. Ĝi gajnis (se oni konsideras ankaŭ la periodo kiam ĝi reprezentis nur Okcidentan Germanion) kvar Mondpokalojn kaj tri Europajn Ĉampionadojn. Krome ĝi atingis la duan lokon en la finaloj de la Mondpokalo kvarfoje kaj en la finalo de la Europa Ĉampionado dufoje.

Inter la plej famaj futbalistoj kiuj ludis por Germanio indas mencii la sportistojn Fritz Walter, Franz Beckenbauer, Gerd Müller, Karl-Heinz Rummenigge kaj Lothar Matthäus. Ekde julio 2006, post la retiriĝo de Jürgen Klinsmann, la trejnisto de la teamo ekde julio 2006 ĝis julio 2021 estis Joachim Löw, kiam li transdonis la postenon al sia antaŭa asistanto Hans-Dieter ("Hansi") Flick, kiu tamen nur estis trejnisto dum iom pli ol du jaroj, de aŭgusto 2021 ĝis septembro 2023, kaj tiam transdonis la postenon al posteulo Julian Nagelsmann.

En la Eŭropa Futbal-Ĉampionado 2008 la teamo atingis la duan rangon, per malgajno kontraŭ la hispana teamo en la finala matĉo, en la Futbala Mondpokalo 2010 la trian pozicion, per malvenko kontraŭ la hispana teamo jam en duonfinalo kaj posta venko kontraŭ la urugvaja teamo en matĉo pri la tria pozicio, kaj en la Eŭropa Futbal-Ĉampionado 2012 kune kun la portugala teamo ankaŭ atingis la trian rangon, per malgajno kontraŭ la itala teamo en la duonfinala matĉo. Ĉampione ĝi gajnis la Futbalan Mondpokalon 2014, kaj en la Eŭropa Futbal-Ĉampionado 2016 kune kun la kimra teamo ankaŭ atingis la trian rangon, per malgajno kontraŭ la itala teamo en la duonfinala matĉo.