Agnes Blake Poor
Agnes Blake Poor, Dorothy Prescott izengoitiaz ere ezaguna (Bangor, 1842ko azaroaren 10a – Brookline, 1922ko otsailaren 28a[1]) estatubatuar idazle eta itzultzailea izan zen. Brasildar poesia portugesetik ingelesera itzuli zuen lehen estatubatuarra izan omen zen[2].
| Agnes Blake Poor | |
|---|---|
.jpg) | |
| Bizitza | |
| Jaiotza | Bangor eta Boston, 1842ko azaroaren 10a |
| Herrialdea |  Ameriketako Estatu Batuak |
| Heriotza | Brookline, 1922ko otsailaren 28a (79 urte) |
| Familia | |
| Aita | Henry Varnum Poor |
| Hezkuntza | |
| Hizkuntzak | ingelesa |
| Jarduerak | |
| Jarduerak | idazlea, itzultzailea eta poeta |
| Izengoitia(k) | Dorothy Prescott |
  | |
Bizitza
aldatuAgnes Blake Poor 1842ko azaroaren 10ean jaio zen Bangorren (Maine). Henry Varnum Poor finantza-analistaren eta Mary Wild Pierceren alaba eta John Pierce elizgizon protestantearen biloba zen[3][4]. Bizitza gehiena Brooklinen eman zuen[5].
Hainbat aldizkaritan ipuin laburrak argitaratu zituen, Dorothy Prescott izengoitia erabiliz. 1896ko urrian The Century aldizkarian argitaratutako A Little Fool ipuinak zalaparta sortu zuen izenburuko pertsonaiak egindako iruzkinengatik[6][7].
Hego Amerikako gaztelaniazko eta portugesezko poemen hautaketa bat bildu eta ingelesera itzuli zuen eta 1918an Pan American Poems izenburuarekin kaleratu zuen. XX. mendearen hasieran portugesezko poemen ingelesezko itzulpenen bilduma bakarra izan zen Ameriketako Estatu Batuetan. Antônio Gonçalves Diasen (1823-1864), Bruno Seabraren (1837-1876) eta Francisco Manuel de Nascimentoren (1734-1819) poemak bildu zituen, azken hau brasildarra ez bazen ere, portugaldarra baizik[2].
Agnes Blake Poor 1922ko otsailaren 28an hil zen Brooklinen[5].
Lanak
aldatu- Andover memorials (1883)
- Brothers and strangers (1893)
- Boston neighbors in town and out (1898)
- Under guiding stars (1905)
- My four great grandmothers (1918)
- Pan American Poems (1918)
Erreferentziak
aldatu- ↑ (Ingelesez) Perry, Edward; Bonham, Milledge L.; Hoskins, Halford L.; Jones, C. K. (1922). «Notes and Comment» The Hispanic American Historical Review 5 (2): 266-273. ISSN 0018-2168..
- ↑ a b (Portugesez) Morinaka, Eliza Mitiyo. «Agnes Blake Poor e os poemas Pan-American» Ilha do Desterro: a Journal of English Language, Literatures in English and Cultural Studies 72 (2): 127-152. 2019-05-31 ISSN 2175-8026. (Noiz kontsultatua: 2024-10-19).
- ↑ (Ingelesez) Who was who in America : a companion biographical reference work to Who's who in America. Chicago: Marquis-Who's Who.
- ↑ (Ingelesez) «Collection: Papers of the Poor family» HOLLIS for Archival Discovery (Noiz kontsultatua: 2024-10-19).
- ↑ a b (Ingelesez) «Funeral Tomorrow for Miss Agnes Blake Poor» Boston Globe: 7. 1922-03-01 (Noiz kontsultatua: 2024-10-19).
- ↑ (Ingelesez) «Gilder to South Bostonians; The Editor Refuses to Apologize for Miss Poor's Words» The New York Times 1896-12-04 ISSN 0362-4331. (Noiz kontsultatua: 2024-10-19).
- ↑ (Ingelesez) «Miss Poor Talks: She Says 'Twas "The Little Fool" That Abused South Boston» Boston Post: 6. 1896-11-15 (Noiz kontsultatua: 2024-10-19).
Kanpo estekak
aldatu
Datuak: Q60332351
