Bresteko gaztelua

Bresteko gaztelua (bretainieraz: Kastell Brest, frantsesez: Château de Brest) Bretainiako Brest hirian dagoen gaztelu bat da. Penfeld ibaiaren ertzean dago, Bresteko badiaren bihotzean.

Bresteko gaztelua
Château de Brest
Monumentu historikoa
Gazteluaren ikuspegi orokorra. Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Defense and Security zone of France	Western defense and security zone
Eskualdea	Bretainia
Departamendua	Finistère
Barruti	Bresteko barrutia
Frantziako udalerri	Brest
Koordenatuak	48°22′53″N 4°29′41″W
Historia eta erabilera
Jabea	Frantziako Itsas Armada
Izenaren jatorria	Brest
Erabiltzailea	Brest national naval museum (en) Q30229039 Force océanique stratégique (en)
Arkitektura
Arkitektoa	Pierre de Massiac (en)
Egitura ingeniaritza	Pierre de Massiac (en) Philibert de l'Orme Sébastien Le Prestre de Vauban Amédée-François Frézier (en) André de Fautras d'Andreuil (en)
Materiala(k)	Gneissa eta granite (en)
Ondarea
Mérimée ID	PA00089847
Kontaktua
Helbidea	6 boulevard Jean-Moulin

Historia

Erromatarren garaia

III. mendean erromatarrek castellum bat eraiki zuten bertan. 3-4 metrotako altuera izan omen zuten harresiek eta 120-140 metrotako luzera. 1000 soldadu inguru sartzen ziren bertan. Badirudi ordea ez zutela guztiz osatu gaztelua 410 inguruan alde egin baitzuten. Gaztelua Leongo kondeen esku gelditu zen orduan. 1064 eta 1065 artean Conan II.a Leongo bizkondeak berriztu egin zuen gaztelua, putzu batez inguratuz eta kapera bat eraikiz barnean.

Bretainiako Dukeak

1240an Bretainiako Dukeek eskuratu eta gotortu egin zuten normandiarren aurkako babes sistemaren parte bihurtuz. Burgoa gazteluan tokirik gabe gelditzen ari zela ikusita ateratzen hasi zen ibaiaren bi aldeetan zabalduz. 1341ean Bretainiako oinordekotza gerran kaltetua izan zen. XV mendean lan handiak egin ziren gazteluan, babes egiturak eta armak berriztuz.

Vaubanen gotorlekua

1631 urtean Richelieu kardinalak portu militar bihurtu zuen Brest eta 1700an Vauban gotorleku ugarietako bat bilakatu zen. 1785ean Luis XVI.a Frantziakoak aginduta M. Jallier de Savault arkitektoak handitu egin zuen gaztelua.

XX. mendea

Bigarren Mundu Gerran alemaniar naziek hiria eskuratu eta itsaspekoen base bihurtu zuten. 1944ko Normandiako konkistaren barnean Bresteko gaztelua alemaniarren erresistentzia leku bakarretakoa bihurtu zen. Aliatuek orduan bonbakatu egin zuten eta hiria ia erabat suntsiturik gelditu zen.

1955ean Itsasgintzako Museo Nazionalak hartu zuen eta itsasontzien maketak daude bertan ikusgai.

Bresteko gazteluaren ikuspegi panoramikoa.

Iruditegia

• 
  Eraikin nagusia.
• 
  Azenor dorrea.
• 
  Paradis dorrea.
• 
  Itsasgintza Museo Nazionala.

Kanpo estekak

• Bresteko gaztelua. Bresteko Ugal webgunea (Frantsesez)
• Bresteko gaztelua. Bretainiako Ondare Kulturala (Frantsesez)
• Bresteko gazteluaren 3D berreraikitzea (Frantsesez)

• Datuak: Q2633625
• Multimedia: Château de Brest / Q2633625