Juan Luis Zabala

Juan Luis Zabala Artetxe (Azkoitia, Gipuzkoa, 1963ko uztailaren 24a - ) euskal idazle, kazetari eta blogaria da.

Juan Luis Zabala
Bizitza
Jaiotzako izen-deiturak	Juan Luis Zabala Artetxe
Jaiotza	Azkoitia, 1963ko uztailaren 24a (61 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea, kazetaria, blogaria, poeta eta filologoa
Jasotako sariak	ikusi Zilarrezko Euskadi Saria  (2017) : Txistu eta biok Irun Hiria saria - Euskarazko eleberria  (2016) : Txistu eta biok Espainiako Kritika Saria euskarazko narratibari  (1996) : Galdu arte

Biografia

Euskal Filologiako ikasketak egin zituen. 1986-1988 bitartean euskara irakasle izan zen Andoaingo Zine eta Bideo Eskolan. Geroztik, Euskaldunon Egunkarian eta Berrian egin du lan, kultura saileko erredaktore gisa.

Liburuez gain, artikuluak idatzi ditu hainbat aldizkari eta egunkaritan.

1994an Rikardo Arregi kazetaritza saria irabazi zuen, Kroaziari buruzko erreportaje-sail batengatik.

Hainbat literatur genero landu ditu. Aipatzekoak dira Zigarrokin ziztrin baten azken keak (1985, 1984ko Azkue saria), Kaka esplikatzen (1989), Galdu arte (1996), eta Agur, Euzkadi (2000), eleberriak; Ahanzturaren artxipelagoa (1987), Gertaerei begira (1988), Sakoneta (1994, Tene Mujika saria), eta Harri barruko bihotz-borrokak (1999), narrazioak; Hautsia natza (2000, Felipe Arrese Beitia saria), poesia; Federico Garcia Lorcaren Poeta New Yorken (2003), itzulpena; Jesus Mari Artze, ttakunaren esku isila (2003), biografia; Inon izatekotan (2006), artikulu-bilduma.

2015ean Kutxa Irun Hiria Eleberri saria irabazi zuen Txistu eta biok lanarekin.⁽¹⁾ Argitaratu ondoren, bigarren sari bat irabazi zuen, Zilarrezko Euskadi Saria.

Idazlanen zerrenda

Narrazioa

• Ahanzturaren artxipelagoa (1987, Elkar)
• Gertaerei begira (1988, Elkar)
• Sakoneta (1994, Susa)
• Ospa (2017, Susa)

Komikia

• Euskaltzaindia, euskararen 100 urteko laguna (Euskaltzaindia, 2019), Amaia Ballesteros marrazkilariarekin

Nobela

• Zigarrokin ziztrin baten azken keak (1985, Elkar)
• Kaka esplikatzen (1989, Elkar)
• Galdu arte (1996, Susa)
• Agur, Euzkadi (2000, Susa)
• Txistu eta biok (2016, Algaida)

Poesia

"Mina hartzeko ere" liburuaren azala

• Hautsia natza (2000, Euskaltzaindia BBK)
• Ez dut nik asmatu (2017)
• Mina hartzeko ere (2022, Susa)

Haur eta gazte literatura

• Harri barruko bihotz-borrokak (1999, Elkar)
• Bideak, aldapak eta bihurguneak (2007, Elkar)
• Zabaleko txorimaloa (2011, Elkar; Maite Gurrutxagak ilustratua)
• Mozoloaren bakardadea (2012, Erein, Begoña Durrutyk ilustratua)
• Aita oker dago (2014, Erein, Begoña Durrutyk ilustratua)

Itzulpena

• Poeta New Yorken; Federico Garcia Lorca (2003, Erein)
• Akiles eta dortoka; Seve Calleja (2010, Alberdania)
• Catherine Certitude; Patrick Modiano (2016, Erein)

Biografiak eta beste

• Jesus Mari Artze, ttakunaren esku isila (2003, Zumarte)
• Maltzeta, soinu bete bihotz (2012, Trikitixa Elkartea)
• Berri gogoa. Euskaltzaindiaren lehen ehun urteak (2019, Euskaltzaindia)

Bilduma

• Inon izatekotan (2006, Susa): Hau da bere blogean egindako artikuluek osatutako liburua.

Bloga

"Inon izatekotan" izena du eta "Berria" egunkariaren komunitatean sartuta dago.

Sariak

• 1996ko Espainiako Kritika Saria euskarazko narratibari
• 2017ko Zilarrezko Euskadi Saria

Kanpo estekak

• Juan Luis Zabala literaturaren zubitegian
• 'Juan Luis Zabala' Euskaldunon Egunkariaren hemerotekan 2944 ekarpen.
• Juan Luis Zabala Berria egunkariaren hemerotekan. (983 ekarpen, 2019-10-05)
• "Inon izatekotan" bloga

• Datuak: Q12261027